Chapter 12 ~ Goodbye, Form 2

第十二章 ~ 再見, Form 2

            我0既Form2生涯終於到尾聲呀。當時0既我冇咩0野唔開心0既感覺﹐可能我0地班同學差唔多上同一間高中啦。反而有小小開心喎﹐我係咪變態呢﹖咁講0野。開心係唔需要對住班男仔0卦﹐連自己都唔知係唔係。

            最終都係唔捨得呢間學校0既﹐所以我就帶我屋企0個部傻瓜相機返學校影。點知﹐唔玀又自何﹐一玀返去就俾人當玩具0黎玩﹐重影D唔應該影0既0野添。

            年尾呀﹐係時候同呢間初中say goodbye。因為香港有D事要我提早一個禮拜返香港﹐所以我請(應該提早) 一個禮拜假。所以今日我帶0左部傻瓜相機返學校影相留念。

            返到學校﹐JuJu已經知我帶相機返學﹐佢就第一時間問我玀部機影﹐我俾0左部相機佢之後佢提意我同B一齊影相﹐我當然話唔好啦。做咩要同佢影相喎﹐又唔係同佢好熟﹐真係。0係小息時間﹐我0地一大班人去搵地方影相﹐影影0下又有人提議我同B影相。

「唔好啦﹗有咩好影喎。」我講

「影一張好快咋。」m&m講

「唔影。」

「B0係後面咋﹐叫一叫佢0黎就得呀﹐0黎啦miki。」JuJu講

「唔影呀。」我堅持咁講

「算啦﹐miki唔想影就算呀。」Cynthia講

「算啦﹗JuJu過0黎呀。」英姐叫JuJu去佢0個度細細聲同佢講0左D0野﹐之後JuJu玀0左部機講﹕

「頭先都係影團相﹐不如你自己影一張啦。」

「好呀。」我講

「0拿﹗你企0係度就得呀。」JuJu講

「呢度﹖好景咩﹖」我問

            其實我企一個大樹隔離﹐前面係大操場﹐身後面就係一個細藍球場﹐都係0個班男仔打波0既地方(但係佢0地唔係打藍球喎﹐奇怪)。其實我唔知發生咩0野事﹐佢0地影完之後大家都奸笑起上0黎﹐我就問﹕

「你0地笑咩呀﹖」

「唔知影唔影到呢﹖」英姐講

「唔知呀。不過唔驚﹐大把時間﹐部相機又0係我度……嘻嘻嘻﹗」JuJu奸笑咁講

            我開始覺得佢0地好恐怖呀。究竟佢0地想點呀﹖

「我諗你係一個偷影專家呀。」m&m講

「當然啦。」JuJu講

「可唔可以問呢﹐你0地想點呀﹖」我問

「唔話你知﹖等你灑0左D相出0黎之後咪知囉。」m&m講

「我冇咁多菲林俾你0地影0架。」我講

「得啦﹐你唔使驚。」JuJu講

「一陣去水族館0個陣帶唔帶去影呀﹖」Cynthia問

            係呀﹐今日小息完我0地去水族館參觀。

「帶﹐成身最貴重0既0野就係呢個相機。如果唔見0左我一定會俾人鬧0架。所以要帶去。」我講

「好啦﹗我0地要走呀。」英姐講

            去到學校後門等巴士0既時候﹐JuJu又玀我相機左影右影。之後JuJu同我講﹕

「不如偷影B囉。」

「偷影﹖你得唔得0架﹖」

「睇住啦。」JuJu講完之後就行去正在傾計0既B度

B坐0係一個小草原度同兩個同學傾計﹐之後B見到JuJu正玀住部相機0黎佢都知咩0野事。正JuJu想影佢0個陣﹐佢一隻手掩住半邊面﹐另外一隻手就做「V」字型手勢(其實我睇到張相先知佢做咩pose)。JuJu影完之後返到我0個邊後講﹕

「影到呀。掂呀。」

「好0野喎﹐咁都影到佢﹐但係佢係咪自願俾你影0架﹖」英姐講

「自願﹖我睇唔多似呀。頭先見到佢都……。」我講

「咁個V字手勢又咩0野意思呢﹖」Cynthia問

「呢樣真係唔知喎﹐我睇佢都係半自願情形之下影呢張相0卦。」我講﹐我見到佢0地重諗點解佢會係咁。

「你0地有冇聽我講0野呀﹖」我問

「有有﹐不過唔多信囉。」英姐講

「但係我信喎。」Cynthia講

「唔理你呀﹐俾返部相機我啦。要上車呀。」我講

「俾我玩多一陣先啦﹖」JuJu講

「巴士有咩好影呀。俾返我先啦﹐最多去完水族館返學校0個陣俾你影到夠啦好唔好呀﹖」我講

「好啦﹗俾返你啦。上車囉。」JuJu俾返部相機我就上巴士。

            其實水族館我不下去過幾次(一有親戚0黎就一定會去水族館睇﹐真悶)﹐所以我去到聽0下水族館D人講解D0野﹐行完水中世界之後就起程打倒回府(返學校)。返學校0個陣時JuJu又玀我部相機影﹐差D成筒菲林俾佢影0西。返到學校已經到食晏0既時候﹐我0地立刻奔返去課室玀0野食就去同m&m會合。食完晏又影0左一陣相之後就開始玩起上0黎直到食晏時間完為止。

            食完玩完返到課室﹐老師就開始講今年年尾prize giving(好似頒獎典禮咁﹐係老師揀一個勤力或乖學生就俾個獎佢﹐有D科目有一個至兩個人玀)0既得獎名單﹐其實當時大家都好俾心機做緊佢0地最後一個project(點解話佢0地﹐因為我請假0既關係﹐唔需要做呢份project﹐0可0可0可)﹐我心諗一定冇我份啦﹐所以我好專心睇0係圖書館借返0黎0既書。老師講得獎名單﹐JuJu有兩個獎(班主任同鐵工)﹐Cynthia有(美術)﹐B都有(班主任同鐵工)重有其他人玀獎﹐直到我聽到先生講﹕

「木工﹐miki。」

            我呆一呆﹐之後我抬高個頭望住坐0係我對面0既JuJu﹐JuJu都好驚訝咁望住我﹐我重望到B都望住我添。我心諗得你有獎呀﹐我都有呀。之後我行到先生度講頒獎典禮0個日我已經唔0係度﹐先生都知道﹐所以先生叫我去學校辦事處話聲俾果度D人知﹐之後佢0地就會做定獎狀等你0係學校最後一日就俾我。我叫Cynthia陪我一齊去﹐0係我0地行去辦公室0個陣時我同Cynthia講﹕

「恭喜你呀﹐有獎玀。」

「你都係啦﹐你都有獎玀。」我講

「我都估唔到你會玀獎呀。我諗個木工先生一定好鐘意你呀。」

「我諗都係呀﹐個先生都幾鐘意我啦。呀-頭先我D動作係咪大0左D呢﹖」

「都唔係好大呀﹐正常呀。」

「頭先我聽到有獎玀0個陣﹐我個心差D跳0左出0黎呀﹐之後望到B又望住我囉﹐我都唔知佢望咩。」

「咁其實佢成日都望你啦﹐你自己唔知咋。」

「佢成日望住我都唔代表D咩0野呀。」

「你唔覺得佢鐘意你咩﹖其實你有冇諗過呢個問題呢﹖」

「冇喎﹐一D都冇諗過喎。我呢咁0既年齡邊識呢D0野呀。」

「你又0岩﹐我0地呢咁0既年齡都係唔好諗呢D咁0既0野呀。」

「係囉﹐我都唔明m&m佢0地係都要話我鐘意佢﹐而佢又話鐘意我呢。」

「其實之前係你講過鐘意佢0架喎。」

「但係我之後講唔係囉﹐你0地唔信咋。」

「咁而家信又如何呢。你都走囉。你會唔會問佢玀地址電話呀﹖」

「我先唔同佢玀呀。同佢好熟咩。」

「咁點算呀﹖」

「點算﹖唔明。呀~~~到呀。」

            我0地到辦事處講低因為請假關係我唔可以參加頒獎典禮﹐辦事處D人話你最尾返學0個日0黎辦事處玀返個獎狀就得啦喎。

            我最後一個禮拜其中有三日差唔多成日都係課室度睇電影﹐大家都整D0野食返學校食。第一日整雞翼(其實我阿[女麻] 整﹐唔係我) ﹐第二日就整雞蛋﹐第三日……薯片。重整﹐唔好啦﹐雖然唔係我整﹐不過……都係唔好呀。用0左三日時間睇三套戲﹐0個三套戲都幾好睇呀﹐但係要我講返0個三套戲講咩都幾難﹐冇咩心機去睇咁呀。

            點解我0個班有得睇戲﹖唔係睇完要寫報告喎。其實我0地0個班0係復活節0個陣幫學校買復活蛋數量係全Form最多﹐所以有獎品﹐獎品就係俾我0地睇戲呀(我零願要食0既0野呀) 。我記得0個陣時叫D Uncle Aunt買都用0左我好多口水呀。我最後買0左兩大箱﹐我自己都買0左兩盒仔(一盒有六隻由朱古力做面﹐粉紅色綿花糖做鹹0既復活蛋)﹐0個D蛋都幾甜0架。其他人都買得好多﹐所以我0地0個班就玀呢個所為0既獎呀。

            終於到最後一日呀。返到課室0個陣見到佢0地做一個小活動。呢個小活動就係咁玩﹐首先用張紙寫低每個人0既名﹐之後將佢擺落一個箱仔入面﹐每一個同學抽一張紙仔﹐紙仔入面寫0個個人名﹐你就要變成為一個小天使俾D卡或者禮物俾紙仔入面寫0個個人。重要0既係你唔可以用自己名義送0架喎﹐講明要做一個天使嘛﹐就要用天使0既明義送0野﹐到最後就要估邊個係他人0既天使﹐聽落都幾好玩0架。不過都唔關我事﹐我都最後一日0係學校囉﹐冇得玩呢個活動囉。算啦﹐我呢D頭腦簡單0既人要我估0野喎﹐多謝0西囉。見到佢0地開始抽人﹐我就行埋一邊睇住佢0地抽﹐佢0地抽完之後有個外國女仔見我冇抽紙仔佢就問我﹕

「點解你冇抽紙仔呀﹖」

「我~~~因為下個禮拜我請0左假﹐所以今日係我最後一日0係學校呀。」

「係呀﹐今日係你最後一日呀。咁你咪去唔到頒獎典禮囉﹖」

「係呀﹐我一陣間就要去辦事處玀獎狀。」

「B﹐你做咩企0係miki後面呀﹖」

            我轉身真係見到B企0係我後面喎﹐差D嚇死我呀。

「B﹐做咩企0係我後面呀﹖頭先你聽到我0地講0野呀﹖」

            B點一點頭

「B﹐冇0野同miki講呀﹖」

「冇喎。」B講完就轉身走0左去

            呢咁0既動作我覺得冇咩0野呀。佢呢D咁cool 0既性格﹐做出呢D動作係正常0既﹐所以我都唔圍意佢。之後我同0個個外國女仔講多一陣就返自己個位繼續上堂。今日我又帶0左相機返學校影﹐0係食晏0既時候影0左好多相呀(上次帶相機0既時候俾JuJu玩偷影影0西我D菲林﹐今次唔會俾佢咁做呀)。差唔多上到最尾一堂0既時候呀﹐我就去辦事處玀我個獎狀。當我去到辦事處0既時候﹐辦事處0個個人話張獎狀重未到手﹐之後佢就帶我入去校長室睇0下張獎狀係咪0係度。一入到校長室~~嘩﹗佢間房好似打完仗咁﹐亂到呀。我重以為身為校長做0野要做好D俾學生一個好傍樣呀嘛﹐直至到我見到佢間房之後……唉﹐好彩過0左今天文再唔係佢0既學生。辦事處0個個人左搵右搵終於搵到我張獎狀﹐然後俾我之前重握一握手講恭喜添﹐真係好笑呀。

            返到課室上我0係呢間學校最後一堂﹐上完堂到放學0既時候呀。我去先生果度問先生可唔可以同我影張相﹐0個陣時佢派返D功課俾學生﹐B都0係度。我俾部相機JuJu(冇法啦﹐其他0個兩個已經消失得無影無蹤呀)﹐我等佢0地玀完之後就影相呀。影完相之後我就好瀟灑咁行開﹐就係呢個時候﹐JuJu就按一影相掣﹐因為相機影相0個陣0既聲音都幾大﹐所以我知道佢影0左相﹐我就問佢﹕

「你做咩0野呀﹖」

「你頭先0個樣幾好睇﹐所以我咪影張相囉。」

「咁咋﹗重以為你令有目的添。」

「冇目的﹐冇目的。你唔好諗咁多0野啦。」

「真係﹖」我用懷疑0既眼神望佢

「係呀﹐大小姐。俾返部相機你呀。」JuJu俾返部相機我

「咁﹐下年見呀﹐拜拜。」我道別JuJu就踏出呢個課室同呢間學校。

            就係咁﹐我0係呢間學校渡過初中0既最後一日。第二日就返香港呀﹐返到香港之後去灑相﹐見到D相先知道有一張JuJu係想影我同B0既相0架﹐點知影唔到(之前叫我自己一個影0既相呢)﹐之後個死人頭JuJu又影我同B0既相喎﹐就係我同先生影完之後佢影我(瀟灑離去0個次呀)﹐點知俾佢影到。之前又話冇目的﹐等我返到去之後你就知味道。

            中二對我0黎講有開心﹐唔開心﹐難忘0既事﹐好多好多事情發生﹐好似幾年發生過0既事咁0係一年中內發0西佢。不過﹐我可以脫離呢0個流言地帶﹐我不知幾開心呀。唔使講呢班男仔D0野幾好呀。

            而家到中七我就係一間女子學校讀﹐呢間學校叫做蛋蛋學校(點解咁叫﹖請去“我的資料(Profile)”就知呀)﹐其實係簡寫0黎。一去到呢間女子中學就要行0黎行去﹐因為上完每一堂都要行去第二度上第二堂﹐又要測驗同考試﹐所以上到高中我就反回一個真正0既中學生呀。我到中三之後發生咩0野事﹖B會唔會再出現﹖睇下一章就知呀。