Chapter 2 ~ Frist Time - Part 1

第二章 ~第一次 Part 1

            我0地係原班一齊上中二。當然﹐課室唔同﹐老師唔同﹐班組都唔同。班組0係三個唔同班組成一個組別就為知班組。我0個班加入0左M&M讀0個班同第二班一齊。我0地當然開心啦﹐因為每班班組都會去Camp(夏令營) ﹐ Camp都算係第一次去呀。當時0既我都開心呀﹐一班同學一齊出去住幾日﹐感覺幾好0架。

~~第一日~~

            今日係我起程0既第一日﹐之前一日我好驚0架﹐不過屋企人重驚﹐梗係啦﹐第一次喎。

            坐兩個鐘頭車﹐0係車上面﹐我﹐JuJu同Cynthia你傾我講0甘就去到營地。呢個Camp分0左唔同0既小房仔﹐每間房都可以住十幾人。所以全班組既中國女仔(包括香港﹐台灣和中國大陸0既人一共八個)一齊0訓一間房。其他中國男仔就住第二間房﹐佢0地間房同我0地間房相隔唔遠。

            做完一日苦工﹐好累地返自己房就去沖涼﹐點知沖沖0下0係我個浴室度有人扔0野入0黎﹐我睇0下原來係一張濕紙巾﹐我正想知做咩事﹐出面0既M&M話﹕

「miki﹐唔好玀張紙巾呀﹐入面有隻蜘蛛呀。」

咩話﹗蜘蛛﹐攪咩扔0黎我呢度呀﹖玩咩﹗之後我就急急腳著好衫就走出呢個浴室呀。晚飯時間﹐今晚第一晚吃西餐﹐都唔好食。之後我同好幾個同學叫先生幫我0地打電話返屋企﹐本來唔得0架﹐後尾都俾打。到我打0既時候﹐當我哥哥講一聲﹕

「喂~~~~﹗」

我眼淚都流出0黎呀。0係電話另外一邊0既哥哥以為我俾人蝦﹐係0甘安慰我﹐最後我話我無咩事就收線。但我仍然未喊完﹐我行開一邊0既時候﹐我見到B0係度望住我﹐我都冇為意就行開0左呀。食完晚飯﹐之後玩遊戲﹐之後食完宵夜個個就起步返房。正當我0地想入房之制﹐0個班男仔(台灣加香港) 叫住我0地。其中一個台灣男仔用英文問我0地﹕

「今晚夜少少出0黎玩啦﹐好唔好呀﹖」

            我其中一個同學1m 話﹕

「幾點﹖」

「大概十二點。」

「好呀。」

            等等~~~我冇講過去哦。當我0地返到房度﹐1m就講﹕

「你0地可以唔去0架﹐放佢0地飛機都好呀。」第二個同學2m就話﹕

「都好呀﹐但係。。。1m呀﹐你鐘意0個個人提出喎﹐你實會去啦﹐right? 」

「我。。。唔知呢﹖」 1m都講唔出0野0黎。

「miki﹐你去唔去呀﹖」M&M問

「唔知呀﹐睇0下點先啦﹐或者我醒唔到呢。」我講

            深夜十二點﹐對一個0訓唔慣三寶床0既我見到1m準備出去﹐我就好細聲叫佢﹕  

「喂﹐你出去呀﹖」

「反正0訓唔到﹐你呢﹖ 橫掂你都0訓唔到﹐不如陪我出去啦。」佢話

「唔。。。好呀﹐等我著返件嘍先。」我點點頭﹐著返件嘍就同佢一齊出去。

            出到去0個陣﹐淨係見到兩個人﹐一個係頭先提出呢個好主意0既男仔﹐令外一個就係B。我心諗都唔知係咪俾佢個朋友拉出0黎。

「只有你0地兩個﹖」男仔用英文問

「係呀﹗」1m答

「不如去草原啦﹖」

「你0地去啦﹐我留0係度。」B講

「1m呀﹐唔好去0甘遠啦。草原離呢度0甘遠﹐萬一俾先生見到的話就唔好啦。」我同1m講

「0甘你留0係度陪B啦。」1m講完之後佢就同0個個男仔走0左呀。淨返我同B。

「我0地去0個度啦。」B講完之後就行去前少少0既小草原。

            去到小草原﹐我0地都一齊坐低。我0地兩個都冇講過0野。我抬高頭睇﹐發現今晚個月亮好圓﹐令到周圍0既星星特別閃特別亮。 B見到我抬高頭睇星星﹐就用英文問我﹕

「你好鐘意睇星星呀﹖」

「係呀。香港睇唔到星星0架﹐0黎到呢度先鐘意睇。你呢﹖你鐘唔鐘意睇星星呀﹖」

「其實唔鐘意﹐不過而家睇0黎都幾靚啦。」

「係呀﹐真係好靚呀。」我笑住同佢講

「0甘我以後一見到星星就會諗起今晚同你睇星星0既事。」B講

「好回憶當然要記住。。。」

            正當我擰轉頭0既時候﹐原來佢0既視線已經唔係望住個天﹐反而望住我。大家你眼望我眼﹐四目交投﹐都唔知望0左幾內。望望0下B就問我﹕

「你頭先做咩喊呀﹖ 有人蝦你呀﹖」

            嘩﹗ 佢問0既問題同我哥哥問0既一模一樣﹗ 死啦﹐點講呢﹖

「0甘我第一次自己一個出0黎住﹐驚嘛。0甘聽到我哥哥把聲就忍不住喊出0黎呀。原來你頭先見到我喊0架﹖ 真係羞死人呀﹗ 成班人得我一個喊咋。」

            我講完後佢都冇出聲﹐當然啦﹐聽到我講佢見到我喊0既情景佢都唔知點同我解釋點解佢見到我呀。

「都夜啦﹐我送你返房0訓啦。」

B以一句話返去就成為我0地0既終結。今晚都算係同佢傾計最長0既一次呀。

 

 

~~第二日~~

            今日玩戶外活動﹐我同M&M正在排隊玩某一個遊戲0既時候我同佢講有關沉晚0既事。

「0下﹗ 你真係出0左去呀﹖ 你唔怕咩﹖」M&M問

「唔怕﹗ 0甘1m都0係度嘛﹐0甘佢0地。。。」

「行開0左﹐之後淨返你同佢。嘩﹗開心啦你。」M&M用D好羨慕0既眼神望住我。

「開心﹖ 點解會開心呀﹖」反而我唔明佢講咩喎

「嘩﹗0甘都唔開心﹐一男一女0係一個小草原度睇星星﹐重唔浪漫死呀。如果換轉係我呀﹐暈0左0係度都似。」M&M講

            呢個M&M梗係睇得電視劇多呀﹐0甘0既0野都講得出。

「誇張啦你﹐睇得電視劇多呀你。」我話M&M

「係你介紹香港D電視劇我睇0架。」M&M話返我轉頭。

「我。。。我。。。」我當堂冇聲出。

            係喎﹗係我叫佢睇多D香港0既電視劇識多D中文喎﹐鬼叫佢三句唔埋兩句講英文咩﹐又叫我教佢。

「我我我。。。我咩啦﹐到你呀。」M&M講

            係喎﹗ 到我玩啦喎。就係0甘﹐我同M&M0既談話就0甘結束。

            當然啦﹐除0左我之外﹐1m都係其中一個被講0既對象啦。不過佢沉晚做0既0野同我差唔多﹐之不過佢0地傾內0左D﹐都冇其他啦。所以班同學都開始壞疑1m同0個個男仔係咪有0野﹐當然我同B都包括在內啦。係呀﹗ 我都有份呀﹐重言言之沉晚唔陪1m出去啦﹐詐0訓咪算囉。唉~~真係﹗

            今晚要玩一個冒險遊戲﹐兩男兩女一組0黎玩。玩0既方法之不過0係一個黑媽媽0既大草原去搵其他組0既人。當然﹐我D同學0既視線都0係我﹐B﹐1m同0個個男仔上。唉﹗真係唔想同佢一組呀。我同M&M一齊﹐不過﹐要搵多兩個男仔喎﹐我心知不妙﹐呢個死人頭M&M實問我好唔好同佢一組。佢係邊個﹖ 大家都知邊個啦。

「不如同B一組啦。睇佢同阿邊個都冇女仔組。」

            早知你會0甘講啦﹐你個M&M呀。

「唔。。。﹖﹗」我正想講唔好之際﹐M&M已經揮一揮手用英文同B講﹕

「喂﹗ 不如你0地同我0地一組啦﹖」

「M&M小姐﹐下次唔好問我呀﹐先斬後奏。」我好悔氣同M&M講

「先斬後奏﹖ 咩0黎0架﹖」M&M滿腦問號地問

「冇你0甘好氣﹐你睇0下個電筒著唔著啦。」我冇佢0甘好氣0甘同佢講

            經過一個鐘頭0既搜尋我0地冇輸冇贏。其實呢個遊戲悶到死。好奇怪﹐ M&M同B玩得易常地興奮﹐淨得我同令外一個男仔叫AL睇住佢0地兩個人玩。玩完呢個無聊遊戲後各自返房。M&M話我聽其實B都幾好傾啦﹐重話唔明我點解沉晚同佢傾0甘少計。當然﹐我冇答佢啦﹐因為我都唔知點答。不過佢0地玩遊戲0既時候都係講D人0係邊呀﹐可能性有幾高呀呢D問題﹐0甘都算好傾呀﹖好0野﹗

 

 

~~第三日~~

 

            唉﹗成日0係度行山﹐累到我呀﹐又上又落﹐之後又再上又落。真係想叫救命呀。返到營房又要收拾行李等聽日返屋企﹐哎0也﹗真係多0野攪呀。不過﹐今次第一次去Camp都幾開心。一班同學們一齊玩足幾日﹐有講有笑﹐我重記得沉晚先生叫0訓﹐熄燈之後我0地重0係度開住電筒傾計﹐不知幾開心。

            之於B同佢班同學們﹐自從0個晚突然叫我0地夜晚出去之後都冇0野做過。而我再冇同B傾過計呀。其實而家諗返0下0個晚同B一齊睇星星係就係幾浪漫﹐但0個陣時我真係冇咩感覺﹐真係冇喎﹐都唔知點解﹖

            0係夜晚﹐我0地開0左一個小型Party﹐又跳舞同聽音樂。不知玩得幾開心﹐簡直唔記得0西行山0既疲累呀。其實我都冇點跳舞﹐聽歌同同班同學傾計多。反而班男仔不知跳得幾開心﹐可能第二日要走啦﹐所以今晚玩得特別開心。

 

~~第四日~~

 

            今日重於可以返屋企呀﹗今日起0左身﹐洗完面正想返房之制﹐我見到B0係小草原望住個天。個天冇雲﹐藍色0既天空加埋清新0既空氣﹐真係好舒服呀。我正諗好唔好同B講早晨之制﹐佢已經發現到我﹐佢對住我微笑一下之後講﹕

「miki﹐早晨呀。」

            哈~~原來佢笑0係上0黎都幾好睇喎。當然我對佢笑一下就講﹕

「早晨﹐你沉晚玩到0甘夜都可以0甘早起身﹐你唔0訓多一陣﹖橫掂今日冇活動﹐遲少少就搭旅遊巴返學校﹐0訓多一陣嘛。」

「0甘你呢﹖你又0甘早起身﹐沉晚你好早就返房喎﹖」B問返轉頭

「我今日要幫手整午餐呀。我答完你問題呀﹐到你答返我問0既問題呀。」我講

「我慣早起身。今日真係好天呀。」B講

「係呀﹐我0地0黎Camp0個幾日都好好天呀﹐真係好呀。」我望住個天同佢講

「重令到夜晚0既星星都非常閃呀。係嗎﹖」B問我

「係呀﹐真係好靚呀。」我笑住同B講

            就係我講完呢句說話後我見到我 D同學出房﹐0甘我就同佢講﹕

「我返房先呀﹐我就遲到呀。」B點一點頭之後揮一揮手同我講拜拜﹐0甘我就講一陣見之後返房呀。

            在當我要幫手整午餐0既時候﹐1m同我講﹕

「miki呀﹐你鐘唔鐘意B呀﹖」

「我﹖我當佢係同學咋。不過由中一到而家傾得最多0野都係呢幾日呀。」

「0甘係鐘意啦。」1m講

「唔係﹐我真係當佢係同學咋。重有﹐我都唔知鐘意人0既感覺係點﹐我點知喎﹖」

「你唔知鐘意人0既感覺係點﹖點會唔知0架﹖」

「唔知就唔知啦。難道你知啦喎﹖」我問

「我都唔知點講呀。總言之係一種感覺啦。」

「感覺﹖算啦﹗講到尾我都唔明你講咩。」我講

            之後﹐我同1m講第二樣0野啦。感覺係點樣0架呢﹖真係唔知喎。算啦﹐我都唔理呢D所為感覺呀。我0地食完午餐就返學校。

            由Camp先返學校﹐再返屋企。返到屋企第一件事就係0訓覺﹐唔裡三七二十一就0訓﹐你睇我幾掛著自己張床啦。

            今次去Camp玩得非常開心﹐又好好玩﹗