Chapter 3 ~ Frist Time Part 2

第三章 ~ 第一次 Part 2

            我重沒講過我屋企人。其實我爹0地同媽咪係冇同我0地一齊0係紐西蘭﹐因為佢0地要做0野﹐所以佢0地香港紐西蘭兩邊走。0係紐西蘭只有我﹐我哥哥﹐我表姐﹐我爺爺同我(女麻)( 女麻)。五個人一齊住﹐我同我表姐住同間房﹐ 我哥哥一間﹐另外一間俾爺爺佢0地。點解要講我屋企人﹖因為今次0既第一次係同我屋企人有關。

            三月0既某一日﹐我如常0甘返學放學﹐正好我返到屋企0既時候發現我爺爺咳得好犀利﹐重有嘔添。之後我哥哥就送佢去睇醫生啦。我同表姐就0係屋企等佢0地返0黎。到夜晚﹐我淨係見到我哥哥返0黎﹐佢話爺爺要住0係醫院﹐佢返0黎就係幫佢玀日常用品去醫院俾佢。醫院﹖之不過咳兩聲同嘔﹐要0甘嚴重住醫院﹖好多問題都0係我腦裡面轉﹐而呢D問題係連我自己都搵唔到答案。

            第二日﹐我就照常返學。返到學校0個陣時﹐D同學見到我個樣好唔開心都問我發生咩事﹐我都有講俾佢0地知發生咩事﹐個個都叫我唔好0甘擔心。我就係0甘過0左一日呀。因為哥哥放學就去睇爺爺﹐所以原本係有哥哥車返屋企0既我今日要自己行返屋企﹐之不過行半個鐘就可以返到去。返到屋企﹐裡面冇人﹐0甘自己換衫後就玀0野食我0既下午茶。之後等到我表姐返0黎﹐同佢食完下午茶之後電話就響呀﹐係一位Uncle(通常我0地叫父母0既朋友做Uncle/Auntie)打0黎 叫我0地換衫去醫院見我爺爺最後一面。

            最後一面﹖我爺爺真係病得0甘嚴重﹖病到就0黎。。。﹗0個陣時我好驚﹐驚到我一粒聲都冇出過。去到醫院﹐入到病房﹐我見到我D Uncle Anut們圍住張床﹐0訓0係床上0既爺爺見到我同表姐0既時候都笑0左一笑。而我一見到爺爺0個陣﹐我個腦一片空白﹐淨係0係度喊﹐我見到爺爺好慘呀。我爺爺就係0甘多人守護之下離開0左人世。當時我重喊得好犀利﹐真係好想借某一個人0既搏頭盡情0甘喊﹐但係0係醫院跟本冇類似0甘0既人0黎做呢D0野。佢係邊個﹖放心﹐唔係B。

            夜晚我都0訓唔著﹐我個腦諗住爺爺0既0野。雖然唔係好多﹐淨係知道佢講一D我聽唔明0既鄉下話﹐成家人包括我﹐我哥哥同我表姐都聽唔明佢講咩0野﹐而我0地都好努力0甘試聽佢講咩。每次佢想食煙都俾我Grandma捉到重鬧佢一大餐﹐而佢一粒聲都冇出過。最記得我0係學校家政做0左D0野食返屋企﹐佢唔理係咩0野的幫我食哂佢﹐重要話好好味喎。呢D記憶都係呢個晚上記返起0黎。

            第二日﹐我姑姐由香港0黎紐西蘭﹐之後我爹地媽咪都0黎到。除後就0係DUncle Auntie們0既幫忙之下辦理我爺爺0既身後事。而我﹐我哥哥同我表姐就如常地返學﹐不過要帶上一張細黑色布0係身度。正當我帶住返學校0既時候個個都冇問點解﹐可能我塊面已經寫0左咩事呀。佢0地都冇咩0野好講。我叫M&M陪我去辦事處向學校請假去爺爺0既葬禮。M&M關心0甘問﹕

「miki﹐你冇0野嘛﹖」

「我。。。冇﹐冇0野呀。我冇事。」我講

「真係冇0野﹖ 0甘就好呀。」M&M講

            其實我知道好多人關心我﹐不過佢0地冇講出口﹐我只係感覺到佢0地0既眼神想講﹕「心照啦﹗」

            就0係三月尾﹐我爺爺就0係紐西蘭某一間細細地0既賓儀館攪 0左一個葬禮。到而家我先知道我爺爺因為心藏血管有事﹐所以冇血去到心藏先變成0甘。重有我爺爺係笑住0甘離開人世﹐聽人講係一件好事0黎。之後就落葬﹐我0地唸住佛經送我爺爺最後一程。就係0甘一個簡簡單單0既葬禮就完成。而我要帶著個張黑布仔一個禮拜。

            以前紐西蘭屋企有兩個男人﹐而家得返一個(我哥哥)﹐真係女多男小呀。