Chapter 5 ~ Queen Of "Big Brother"

第五章 ~ 鋤大弟皇后

            通常我0地食晏同小息0既時候都係出面操場食同玩。不過﹐有時都會有唔好天0既時候﹐通常我0地都會0係課室度玩。last card 同鋤大弟都係我0地時常玩的遊戲。因為我0個班得我一個女仔識玩鋤大弟﹐所以會教佢0地(我班0既同學)玩0既。雖然我玩得唔叻﹐但我都教到佢0地算好呀。就因為0甘﹐我就成為我班房0既「弟后」呀。有弟后當然都會有弟皇啦。不過連我呢個弟后都唔知邊個係弟皇。我諗弟王子就有幾個。諗諗下「弟后」個名都唔係0甘好聽﹐「弟公主」好D﹐年青D嘛。 

 

            今日我早0左返學校。0係課室度﹐我見到三男一女0係度玩鋤大弟。當我整理好自己D0野之後就去睇0下佢0地玩成點。0個個女同學(外國人)一面苦惱0甘向我求救﹕

「幫幫我好嗎﹖」

            0甘我當然好樂意幫佢啦﹐我重幫佢贏幾鋪添。就0係呢個時候﹐B就返到課室﹐我冇裡佢就繼續玩。之後佢行埋0黎睇我0地玩鋤大弟。今次輪到班男仔0益救命叫B幫佢0地﹐就係0甘B就幫班男仔手。我諗住幫女同學玩多一鋪就走﹐但係個外國女仔捉住我唔俾我走。點解我要走﹖其實我想避B﹐唔知點解﹐自從我話鐘意佢之後﹐自己都發現自己留意佢好多﹐唔似以前0甘﹐望都唔望佢。我0係度諗我係咪真係鐘意佢呢﹖唔會唔會﹐將一個大話變成真﹐冇理由。不過我呢排真係有D0野唔同0左喎﹐真係百思不得其解。

            我就0係被呢個要我幫佢0既外國女仔之下﹐我就繼續幫佢玩。到最後都算係冇輸冇贏﹐我贏一次﹐佢0地每人贏一次﹐就係0甘就玩到上堂鐘響。

            又到食晏時間呀。今日因為天氣唔好﹐所以我0地有一個鐘多少少0既lunch時間要留0係課室度渡過。通常0係課室都係玩鋤大弟多﹐當然今日都唔例外啦。有三組人0係度玩﹐外國人一組﹐中國男仔一組﹐我0地中國女仔一組0係度玩。連0係隔離班0既M&M都過0黎同我0地玩添。我0地玩0左幾鋪之後我0地決定過去班中國男仔組度觀戰﹐因為我0地玩鋤大弟0個陣﹐叫得最大聲﹐笑得最大聲就係佢0地班人﹐我0地唔明點解佢0地玩得0甘興奮。所以我0地就去將呢個謎解開佢。

            去到佢0地班人0既時候﹐佢0地正在激戰。我0地就分別企0係有利位置圍住佢0地玩鋤大弟。而佢0地好似開武林大會0甘(真係0甘0架﹐我冇誇張0架)。。。

            四大門派正打到天昏地裂之制~~~~0依﹗其中兩大門派打得易常地激烈﹐分別係佐衛君同B君(佐衛係我個班其中一個台灣男仔)。佢0地分別手上都有皇牌(最大0個隻牌呢)﹐不過﹐我睇到B君手上0既皇牌重多過佐衛君喎(如果你識玩鋤大弟的話應該知道我講咩)。但係佐衛君不但冇出佢0既皇牌﹐反而出0左一招「龍蛇出海」(蛇同花﹐呢D睇到都驚0既一組牌)攪掂0左B君(吵13隻)。令到B君都話佢好0野(當時0既我係完全唔識聽普通話﹐所以我都係估佢0地講咩)。企0係兩位高手中間0既小師妹(係呀﹐小師妹正是在下)都睇到目定口呆﹐我諗呢兩大高手要大戰三百會合先可以分出勝負。當然﹐佢0地唔可以0甘做啦。比試就快完啦(因為lunch時間就快完)﹐佢0地就0係最後一個會合﹐佢0地都打到你死我活(我好似冇講過其他兩個喎﹐冇法啦﹐鬼叫我坐0係兩位大俠中間咩﹐所以我都唔知其他兩個發生咩事)。最後邊個贏﹖其實佢0地都冇輸冇贏﹐因為都唔係佢0地兩個其中一個贏﹐反而係令外0個位大俠贏0左。今次0既武林大會就0係呢個0甘出符意料之外0甘收場呀。

            其實睇佢0地玩鋤大弟都幾刺激啦。有時風平浪靜﹐有時真係好犀利0架。而我好似睇到一場王者大賽0甘﹐真係連我都唔識講出0黎。可想言之佢0地玩得有幾投入。而我0地班女仔睇到而常地興奮。我0地重0係放學0個陣都談論起上0黎添。

「頭先佢0地玩鋤大弟都玩得幾恐怖喎。」M&M講

「恐怖﹐誇張多D。」JuJu講

「簡直俾佢0地嚇親呀。」英姐講

「我第一次見到0甘0既奇景呀﹐真係大開眼界。」Cynthia講

「恐怖﹐誇張﹐奇景﹐嚇親。0甘我應該用咩形容佢0地呢﹖」我講

「唔知你呢﹖」M&M講

「係囉﹐坐0係B隔離就唔會知發生嘩0野事0架啦。」JuJu講

「係呀﹐你0個陣時個樣係呆0左呀。」Cynthia講

「我發現唔到喎。」英姐講

「你發現唔到呀﹐我發現到喎。」JuJu講

「JuJu﹐你真係夠眼力呀﹐佢個樣呢真係。。。」M&M正想繼續下去之制﹐有一把大個M&M把聲大0益﹕

「呀﹗﹗﹗」

            呢把聲正是在下。

「諗到呀﹗簡直係一個武林大會0甘呀。」我講完之後個個都望住我

「做咩望住我呀﹖」我問

「miki﹐你頭先冇聽我0地講咩0野呀﹖」M&M問

「你0地頭先講咩呀﹖」我又問返轉頭

            當然我冇聽到我0地講咩啦。由邊度開始聽唔到﹖你估0下﹖嘻﹗

「都唔知你真聽唔到定假聽唔到。」英姐講

            而大家都用壞疑0既眼神望住我﹐好似唔信我冇聽到佢0地講0野。算啦﹐唔信就算啦。

 

自從睇過班男仔玩鋤大弟之後﹐我0地將佢0地玩鋤大弟0既氣氛轉移0係麻雀身上。我0地玩0既麻雀唔係大人玩0既麻雀﹐而係卡通麻雀。卡通麻雀全部都係卡通人物代替0個D咩子咩子﹐得碰冇得上﹐有時重會有搶牌碰0既情況。到0個陣時我0地都叫佢0地猜﹐猜贏0左就可以玀隻牌。我0地都玩到0益0西出0黎﹐實行同班男仔鬥0益。所以每當天氣唔好0既時候﹐我諗我0地班房都係最嘈0既一班囉。