Chapter 6 ~ I want to escape you

第六章 ~ 逃避你

            一句“鐘意你”就留意住佢﹐反而我想逃避佢。驚同佢傾計﹖唔係呀。驚俾人講﹖都唔係呀﹐講都講0左兩次啦。驚佢D眼神﹖我都無咩點望佢﹐所以冇俾佢電到。當然重有其他理由要我逃避佢。但係﹐同班同學都會有好多0野都要一齊做喎。類似小組報告﹐做project﹐重有其他。避都避唔到﹐唯有面對佢啦。點解我講到B好似一個炸彈0甘﹐見佢就避呢﹖真係唔明。

            除0左要上堂之外﹐我0地都會有其他0野要上0既。好似木工(woodwork) ﹐鐵工(metalwork) ﹐家政(home economics or clothing)﹐畫畫(art)。 呢D堂都要揀其中兩個0黎上頭個半年。我上半年就揀0左木工同家政(home economics)﹐下半年我就繼續揀木工﹐之後揀畫畫。反而B好似攪對擴0甘﹐我揀咩﹐佢就揀第二樣0野。我點會知﹖因為我要幫先生交佢0地所揀0既科目報告俾返學校辦事處﹐所以我每次都可以早走去第二間課室玀報告之後返去辦去處俾報告人。其實份報告之不過叫個先生簽個名就得呀﹐非常間單。不過每次叫先生簽名都幾難﹐0個D先生好似好忙0甘左行右行﹐好唔想俾份報告我﹐真係幾麻煩0架。

            就係呢個小工作﹐我就知B揀0左咩0野堂去上囉。

            又要去上木工0既時候呀。我0地班就大步去木工室同鐵工室(就0係木工室隔離房)﹐我就玀住兩份準備0左0既報告諗住俾教鐵工0既先生。我正想俾JuJu(因為佢揀鐵工) 之制﹐JuJu同我講﹕

「不如俾B啦。」

            哈﹗佢都幾好喎。製造機會俾我﹐真係好呀你。

「俾邊個都一樣啦﹐唔好玩啦你。」我講

            我知道JuJu想做咩0野﹐但係我唔領情呢。

「你好似怕0左佢0甘﹖」JuJu問

「我。。。。。。唔係呀。」我講

「真係﹖」JuJu再問

            我做咩要怕佢呢﹖冇咩裡由要我0甘做呀。

「真係啦﹐你唔好0甘煩啦﹐總言之你就俾個folder先生﹐我一陣間過0黎玀。」我俾份報告俾JuJu就入去木工室。

            0係木工室入面﹐我開始做我D作品﹐筆盒﹐我都做得幾好0架。之前做過木碗﹐筆座。而家做完個筆盒後就開始做一個小型檯仔。個木工先生都對我好好0架﹐我同佢都有傾有講﹐而我有陣時都幫佢準備下一堂0既0野(例如﹕木塊﹐儀器) ﹐唔係佢叫0架﹐係我自願0架。重有英姐一齊幫手添。

            0係木工房同鐵工房之間有一個小房﹐而呢個小房係可以通過去令外一間房(鐵工房)﹐而呢兩度門長時間都係開住﹐所以我有陣時都用呢度門睇另外一間房做緊咩。通常佢0地0係鐵工房都係走0黎走去﹐好忙0甘﹐留0係個位一陣又去第二度做0野。唔似木工0甘﹐企0係度或坐0係度做就得。除0左用呢個大洞睇佢0地做0野之外﹐我重會用呢個大洞去鐵工房玀報告啦。所以我又可以好明正言順去隔離房睇佢0地做咩呀。

            差唔多上完堂﹐我又要去隔離房玀報告。我去到鐵工房0既時候見到先生企0係B隔離﹐而我見到先生重未0係份報告簽名﹐B見到我個無奈樣就知道做咩事﹐佢就同企佢隔離0既先生講﹕

「先生﹐有人0黎玀報告呀﹐不如你去簽名先啦。」

            個先生聽完之後擰轉頭望到我﹐佢就過0黎0係份報告。等佢簽完之後我玀份報告走之制﹐我見到B望住我﹐而我就同佢講我有生已0黎第一句普通話﹕

「B﹐謝謝﹗」之後我笑一笑就行出鐵工房呀。

「miki﹐你知唔知你頭先講完0個句說話0既時候﹐B係呆0左﹐之後重笑0左出0黎添。」

            JuJu同我一齊放學行去圖書館0既時候同我講

「你見到呀﹖」我好驚訝地問JuJu

「間房有幾大呀。」JuJu講

「你又知我同佢講咩﹖」

「當然啦﹐Cynthia話俾我聽你0地講咩。」

            係喎﹐差D唔記得得Cynthia係台灣人又係0係揀鐵工添。唔怪得知JuJu知道我0地講咩啦。

「唔通佢笑我講D普通話講得唔好﹖」我懷疑地問

「唔多似呀。」JuJu講

「唔多似﹖何解呀﹖」

「我同Cynthia睇到佢笑得帶點甜絲絲0既感覺。」

「咩話﹖甜絲絲﹖唔係呀嘛﹗你眼花睇錯咋嘛﹖」我用不0甘想像0既表情望住JuJu。

「係呀﹗只少我同Cynthia都係覺得係0甘。」

「唔會0卦﹗」我仍然唔相信JuJu所講0既0野。

「你唔信就算啦。」JuJu講

            甜絲絲0既笑容﹖好似擺0係B身上唔多配喎。佢個樣0甘cool﹐如果佢0甘樣笑起上來都~~~~~唉﹐我都想像唔到。我淨係記得0係camp0個陣時同我一齊睇藍天白雲0既時候0個個笑容(唔記得﹐睇返第二章~第一次 Part 1啦)同social0個陣時佢0既笑容(勇俊笑容呢。又唔記得﹐睇返第三章~跳舞夜 Part 1啦) ﹐真係好好睇呀。我做咩0甘留意佢0架﹖

            每一次要上美術堂我都好苦惱。點解﹖因為我0地係唔可以同你識D同學一齊坐。可能個先生驚我0地傾計多過做0野啦﹐唔想我0地一齊坐。所以佢要我0地排隊﹐男一隊﹐女一隊﹐之後佢就分二對男女坐一台﹐如似類推。所以為每一次上美術堂我就驚﹐驚同B一齊坐囉。佢坐我隔離就唔緊要﹐但係如果坐佢對面(面對面0個隻﹐因為間房D檯排一組﹐四人一組)就要成個鐘面對面做0野﹐0甘就唔好啦(我諗咋) ﹗

            當我0地排完隊我就開始數﹐計計0下好似今次又同B一齊坐呀。上幾次都係0甘0架呀﹐不過上幾次佢都係坐我隔離﹐今次佢有可能會坐我對面呀。上幾次佢坐我隔離0個時﹐我硬係覺得有D唔舒服﹐唔自在0既感覺。如果今次坐我對面會唔會重衰呢﹖會唔會我諗得太多呢﹖

            重於我真係計中0左﹐先生真係叫B坐我對面﹐頭先0個D不安0既感覺又湧上0黎。點算呢﹖唔舒服同唔自在0既感覺重要加D硬係覺得成日有人望住我0既感覺又返來囉。為0左要掩飾我呢D感覺﹐我由開始到落堂我Dup低個頭做0野﹐抬都冇抬高頭週圍望(平時我實會週圍望0架) ﹐簡直一反常態﹐我都唔知點解會0甘樣﹖

            雖然我呢個一反常態0既動作JuJu﹐Cynthia同英姐都唔知道﹐但係我覺得有一個人係知道我一反常態0架﹐邊個﹖估0下啦﹗

            其實我重有一個小組係同B一齊做呀﹐佢就係報紙報告呀。不過呢段時間我都跑去上ESL(English As Second Language﹐係為 我0地呢D英文唔係第一語言0既人上0既)。雖然我班主任話我唔需要上﹐但我偏要上呀。一來可以提升我D英文水平﹐二來可以唔使做報紙報告(因為我最唔鐘意睇報紙呀)﹐三來。。。避B(其實我未講鐘意佢之前我就揀去上ESL啦) ﹖以前唔係﹐而家係。嘻嘻﹗﹗﹗