Chapter 7 ~ I was Dreaming

第七章~夢迷離

            唔知大家覺唔覺得呢個世上有冇日久生情呢會事呢﹖ 我覺得係有0架。我同B0既感情就係0甘發生。講到呢度﹐你係咪確定我係鐘意B呢﹖我可以話你聽當時0既我重未確定係咪鐘意佢。因為當時0既我都唔知咩叫鐘意﹐鐘意到要同佢一齊。中二0既我淨係想玩同讀書(雖然0個陣時係冇考試)。淨係諗如果有一個好似電視劇0甘0既所為刻骨銘心0既愛情0甘就好呀。當然﹐0係現實世界係唔會發生啦﹐發夢就可以會有0既。講起發夢﹐因為一個夢令我知道我未來男朋友係點0既樣。

            我發0左個夢呀﹗我發夢見到一個人陪住我一齊玩﹐一齊睇書。我同佢非常開心﹐佢帶俾我一種辛福0既感覺。雖然我唔知佢有冇呢D感覺﹐但我感覺到佢係好開心。我0地就好似一對小戀人0甘手拖手一齊去好多地方﹐我0地玩得非常開心。鏡頭一轉﹐我就0係一個富麗堂皇0既舞會入面。我著住一件公主服(唔知我個頭有冇帶皇冠呢﹖當時都冇鏡照﹐所以我個look係點樣﹐真係)﹐我都見到其他人都著得好靚。我週圍望﹐發現所有女士們都有男伴陪伴左右﹐淨得我一個孤玲玲0係度週圍行。行0下行0下自己都唔知已經行到舞池中間0既位置﹐我見到其他人都行開﹐淨得我一個0係舞池中央。之後我見到有一個人行近我身邊﹐大家0係掌聲響起。就係0甘我就同佢一齊跳舞﹐跳完舞之後重0係露台度傾計。傾 0下傾0下鏡頭又一轉﹐返到現實世界﹐佢同我一齊返學﹐一齊放學﹐非常開心。

            其實由頭到尾都見唔到佢0個樣。因為佢全身都係一個影子0甘﹐成身黑色﹐真係好想見到佢0既真面目。直到佢企0係我面前正想解開佢0既真面目0個陣時……

玲玲玲~~~~~~~

            鬧鐘響起上0黎﹐而我就0甘醒0左。差D可以睇到呀﹐真係!!!

            呢個夢令到我成日都上唔到心去上堂﹐滿腦都係0個D夢境。重於我頂唔住﹐就係休息時間講0左我0個夢俾班同學聽。大家聽完我個夢之後﹐大家開始同我解夢同俾意見。

「你個夢都幾亂喎。」m&m講

「我知。」我講

「重好浪漫添﹐男女主角0係度偏偏起舞。就好似你同B0係social一齊跳舞 0甘。」英姐講

「0甘都得﹗一0野就去到B果度。又唔關佢事。」我講

「唔係喎﹐可能關佢事0架﹐miki。」JuJu講

「唔係可能﹐直頭係關佢事啦。」m&m講

「都話唔關囉。由頭到尾都冇見到佢。」

「0個個黑面神咪就係B囉。」m&m講

「0下﹗唔明﹖」我問

「其實個黑面神(夢入面0個個人)係你0既白馬王子﹐你0既未來的男朋友。所以0係夢入面大概想暗示你未來男朋友0既樣係點0既。」JuJu開始幫我解夢(0甘都算解夢) 。

「但係miki話佢冇樣睇﹐淨係得個黑影…」m&m講講0下英姐就繼續講落去

「黑影人就係提示﹐黑面神有可能想話佢0係生得黑﹐或者係佢0個樣好cool…講講0下0甘似一個人0既﹖」

            英姐講到呢度個個都係度點頭講﹕

「嗚﹗係佢呀。」

            唯獨是我一個唔明佢0地做咩0野。

「邊個呀﹖」我問

「嘻嘻﹗你呀﹐日有所思﹐夜有所夢呀你。」英姐講

「0下﹗」我用奇而0既口吻講

「miki﹐我諗你真係好鐘意佢喎。」JuJu講

「0下0下﹗」表情同口吻明顯係大0左好多0既我講

「唉﹗命中注定你要同佢一齊呀。」Cynthia講

「0下0下0下﹗」連識聽少少廣東話0既Cynthia都明佢0地講咩﹐反而我就……

「miki﹐你重唔知我0地講邊個﹖」m&m問

「我頭腦簡單﹐唔識玩呢D猜謎遊戲﹐你都係話俾我聽啦﹗」我講(覺唔覺得呢個對白好熟呢﹐嘻嘻)

            之後佢0地一齊叫﹕

「B囉﹗傻婆miki﹗」

「唔係呀嘛﹗」我重叫得大聲過佢0地﹐差D成間學校都聽到﹐包括0係不遠處打緊波0既B。

「做咩你0甘大反應呀﹖」m&m講

「我好大反應咩﹖」我問佢0地﹐包括我自己﹐真係0甘大反應﹖

「係呀﹗好大添。」JuJu講

「0甘我成日都係0甘大聲講0野0架啦﹐有咩0甘出奇呢﹖」我講完之後諗一諗。 0車﹗我D反應都唔算大呀。反而……

「你自己唔覺得大﹐但係我0地覺得大呢。0可大家﹖」m&m講完後個個都點頭示意m&m講D0野係0岩0既。

「唔係呀嘛﹗」我講

            0甘難怪佢0地認同。自己都唔知呢D算唔算係反應大﹐之不過比平時講0野大0左一培左右啦。0甘算唔算反應大呢﹖

            就係呢個夢夢到一個黑影好似係又好似唔係B0既人﹐我0地就幫B改0左個花名-黑面神。其實呢個名係我幫佢改﹐鬼叫佢生得又黑又cool咩﹐改呢個名好0岩佢呀。

            日有所思夜有所夢﹖唔會0卦﹐唔似啦﹐冇理由呀。我夢入面0個個黑面神係B﹖唔會唔會﹐佢0地班0野亂講﹐點會係佢呢。但係……如果真係佢0甘點算呢﹖唔好0卦。如果真係佢的話﹐我一定會0益出0黎﹐之後我一定咋醒0益傑仔呀。哎0也﹗做咩我為0左一個夢諗到0甘多0野呀﹖我開始覺得自己好煩呀。唉~~~~

            我就係0甘﹐呢度諗0下﹐果度諗0下又到放學呀。我成日都冇專心上堂﹐今日唔知教0左咩0野呢﹖算啦﹗今日個腦唔係好work。唔理呀﹐其實今日都係上數學時學到D新0野﹐其他堂都冇咩0野做。

            我又發夢呀。今次我變成0左一套卡通電影0既主角﹐呢套卡通電影就係“天空之城”呀。呢~~~個女主角個名叫Shita呢(呢套0甘經典0既卡通片冇理由唔知啦)。男主角呢﹖當然有啦﹐Pasu嘛~~不過﹐佢變0左黑面神呀(唉﹗又0黎呀。想點﹗唔係0個個黑面神呀﹐不過我叫住佢黑面Pasu先啦)。我同呢個黑面Pasu經過種種難關之後終於搵到傳說中0既“天空之城”。我0地兩個都不知幾開心。我0地重發現天空之城0既秘密添。之後咪同佢套電影一樣囉。發到結局後我0地去到一個大草原住﹐有羊有馬﹐我0地生活得好開心。之後……

醒0左!!!

            又睇唔到黑面Pasu係邊個添。真失敗﹗

            今次發夢夢到自己0係卡通電影入面﹐下次會唔會0係電視劇入面﹐或者第二樣0野入面喎。真係期待呀﹗

            咪住﹗我期待咩呀﹖0可0可﹗

            第二日返學0既時候﹐0係休息時候﹐我又無聊0甘又講我個“天空之城之夢” 俾班同學聽。

「天空之城﹖咩0黎0架﹖」大家都不約而同0甘問我。

            算啦﹗佢0地全部都冇睇過套電影。話俾佢0地聽都冇用。就係0甘我就用一半時間講大概我個夢0既故事。大家聽完之後﹕

「嘩﹗好刺激喎。」m&m講

「都幾刺激0架。」我講

「你係咪睇得套電影睇得多呀﹖」JuJu問我。0甘其實我都睇0左三次以上呀。好睇嘛﹗

「有可能呀。」我講

「就好似你上次夢到黑面神 0甘 。」英姐講

「你又想講0個個黑面Pasu係黑面神呀﹖係咪呢﹖」我講。我早知佢0地會0甘講﹐所以我講先囉。等佢0地冇聲出嘛﹐好計呢﹖

「你又知道我0地講佢﹐我0地都冇講過係佢。」英姐講

「我冇呀﹗」JuJu講

「me too﹗」m&m講

「me three。miki你……嘻嘻﹗」Cynthia笑住講

            哎0也﹗你0地班0野呀﹐玩我呀。0甘我就扮唔知0甘講﹕

「0下﹗你0地唔係講佢咩﹖我重以為你0地會打蛇除棍上添。」

「咩0野意思呀﹖打咩上咩話﹖」m&m呢個問題少女問

「等陣先答你呀。miki你時常發呢D綺夢係咪好開心呢 ﹖」JuJu問

「開心﹖做咩開心呀﹐如果我發夢見到黎明(0個陣時0既我係非常鐘意黎明﹐到而家都重好鐘意﹐不過個level落0左小小﹐點解﹖我重有其他我鐘意0既偶像啦﹐如果要我排名的話都幾難) 我一定開心D呀。」我講

「黎明﹐我都想呀。」m&m笑咪咪0甘講(佢因為受我感染﹐所以連佢都鐘意黎明)

「係呢﹖發埋呢D連自己都唔知做咩0野夢﹐真係唔知想點。」我講

「0甘又係。我有時發夢夢到自己俾人追添。」英姐講

「嘩﹗你0係夢入面0甘受歡迎﹐成日俾人追呀﹖」我問

「唔係0個隻追呀﹐第二隻追呀。」英姐講

「邊隻呀﹖」m&m講

            就係0甘﹐大家都講自己發過咩0野夢﹐而我0既夢已經放埋一邊呀。