Chapter 8 ~ Made in LOVE??

第八章 ~ 愛情結晶品﹖﹖

 

            一班房﹐三十幾人﹐如果想同一位同學一齊做0野的話﹐機會率大概有三十份之一。有99%唔會同你想0既人一齊做0野。唔知點解﹐有時唔想同0個個人一齊做0野﹐個天硬係同你作對咁﹐偏偏你要同佢一組做0野。小女子都令教過不少。正在大家都傳出我同B係互相喜歡對方0既時候﹐我同佢就係因為一個project而走埋一齊。哈!呢D算唔算係緣份呢﹖成日都見到佢﹐又要同佢一齊做0野。其實唔係有緣份﹐係有咁0岩得咁橋。當然當時0既我完全冇諗呢D咁0既0野啦﹐點解﹖連我自己都唔知。唉﹗人蠢冇藥醫。

            哈﹗呢一牌運氣都唔係咁好﹐頭頭碰著黑﹐我都唔知點解﹐其實呢個黑係”黑”面神(重記唔記得邊個黑面神呀﹖唔記得﹐B囉)0個個黑囉。點解咁講﹖每一次做0野﹐如果唔使一組人做的話﹐做完D0野要貼堂0既時候﹐B0既作品唔係擺0係我左面就0係右面﹐總言之佢好似貼身膏藥咁貼住我。我每一次睇到佢0既作品﹐又睇返自己0既作品﹐唉﹗簡直係差天共地。人0地寫得一手好字﹐畫得一手好畫﹐我自己0個D重係小學程度咋﹐一睇D畫會覺得畫0個個人重0係小學讀書呀﹐真係慘呀﹗

            如果要幾個人一組做0野的話﹐我十次有七八次都同佢一齊做﹐你話係咪好邪呢。今次係我同佢傳誹聞後第一個group project﹐做咩0野﹖睇落去啦。

            今次老師已南極做主題﹐要我0地個班做有關南極0既0野。老師幫我0地分組﹐我非常唔好彩地同一個男外國人﹐一個女外國人同埋一個台灣人一齊做。個台灣人係邊個﹖都話唔好彩啦﹐重有邊個呢﹐咪就係B囉。就係咁﹐我0地兩pair人一齊做呢個group project﹐為期一個禮拜。

            初頭0個幾日都冇咩0野﹐之不過去圖書館搵書﹐我0地都係各有各搵料。第三日我0地就一齊睇0下我0地搵到咩0野之後分工合作做0野。我0地坐0係班房0既一個地方叫閱讀閣(唔記得講0下我課室添。我課室都幾大0架﹐除0左我0地學生坐0既地方外﹐重有老師坐0既地方﹐還有閱讀閣俾我0地專心睇書﹐你話我個課室係咪好大呢)。我0個組0既女仔坐0左0係我右手邊﹐而佢隔離坐0左個男仔(我可能解釋得唔好﹐應該個位置係﹕我-女仔-男仔)﹐跟住B離開佢個位行0黎我0地果度。0拿﹗0個個外國男仔隔離又冇人坐呀﹐佢行到0黎閱讀閣就一轉﹐就坐0左我隔離(令外一邊) 。我心諗﹕

「有冇攪錯呀﹗點解佢會坐我隔離0架﹐明明阿邊個(我D記憶力都幾差呀) 隔離都冇人﹐點解佢係都要坐我隔離呢。死人頭……(打下全部都係咒語﹐唔係點出得街﹐所以冇寫落去)#%&* 。」

            正當我咒完之後個女仔講﹕

「你同B都搵到差唔多0既資料﹐你0地兩個一齊做一張海報呀﹐我同佢做令外一張啦。」

            做咩0野我同佢搵D0野一樣0架。真係﹗咁我要對住佢幾日﹐救命呀﹗

0係小息時間﹕

「你0地真係心靈相通呀﹐你0地唔一齊就……」JuJu講

「就咩呀﹐一D都唔心靈相通。個topic搵0既料都淨係得個幾樣﹐有咁0岩得咁橋咋。」我講

「你0地講緊咩0野呀﹖我都唔明你0地講咩0既。」問題少女m&m問

            之後我0地講份project0既0野同頭先發生0既事。m&m聽完之後就講﹕

「又幾心靈相通喎。」

「你又知心靈相通點解﹖」我問返佢

「知呀﹐我睇電視劇學返0黎0架(電視劇真係學到好多0野呀)。雖然搵資料0既範圍真係好小﹐但係真係咁0岩﹐唔係好信。」m&m講

「佢都唔知係咪跟住你去圖書館呀。」JuJu講

「大佬呀﹗0個日係成班人一齊去圖書館呀﹐你唔記得呀﹖ 如果佢真係跟住我你0地一定會知啦。唔好唔記得我係跟住你0地去搵資料0架。」我講

「我唔知道呀﹐我都唔同你0地一班。」m&m講

「係呀係呀﹗知道呀。話時話﹐0個日你真係同我0地一齊搵0野喎﹐我同JuJu重左右夾攻(我企中間﹐JuJu同英姐企0係我兩邊)佢0架喎。冇咩理由佢會跟到0黎呀。」英姐好似偵探推理咁講

            我點頭同意英姐0既所為推理。

「聽到你咁講﹐我已經有conclusion﹐就係miki同B係心靈相通﹐冇其他原因。」m&m講

「你……總言之我同佢唔係啦﹗」我講﹐重帶點勞氣咁講添。

「其實……或者佢0地真係咁0岩搵到呢﹐唔一定係咩呀嘛。」Cynthia講

「Cynthia講得0岩呀。」我講

「其實你今次應該好開心啦。好日唔同佢一齊做0野﹐今次一做就做成個禮拜喎。開心死啦你﹐係唔係﹖」m&m講

「係鬼呀。」我講﹐個聲氣重有返D勞氣。

「一陣佢0地第一日一齊做海報呀。」JuJu講

「嘩﹗快D做完之後就叫我過0黎睇你0地0既愛情結晶品喎。」m&m笑咪咪咁講

「又咩0野意思呀你﹖」我問

「心照啦miki﹗」英姐同JuJu一齊講

            愛情結晶品﹖唔係呀嘛。我0地都未結婚﹐何來愛情結晶品呀﹖生張海報出0黎都咪話幾驚喎。

            好唔容易捱完個休息時間。返到課室又要對住B一齊做0野﹐重要係今日係第一日(應該係第三日﹐因為頭個兩日係去搵0野﹐今日係開始做0野0既第一日)。雖然佢同我同班﹐但係都唔係成日同佢一齊做過0野﹐今次都係第一次(亦都係最後一次) ﹐唔知感覺係咁呢﹖

            返到自己張檯玀自己需要0既0野之後就行去閱讀閣。我去到閱讀閣0既時候B已經0係到等我﹐我坐低後B就講﹕

「我0地開始啦﹐睇0下你搵到D咩0野。」

「哦~~~~0拿﹗」我俾我D資料俾佢睇

「你同我搵D0野都差唔多﹐不如咁啦﹐你就……」佢講我需要做咩0野﹐之後我0地開始呢張海報。

「miki﹐可唔可以借支筆俾我呀﹖」B講

「好呀﹗0拿﹗」我就俾支筆俾佢

「唔該﹗」B講完之後又返去張大白紙度繼續做0野

            睇起上0黎B做0野0個陣時都幾認真喎。自從問我借完支筆之後就冇講過0野呀﹐攪到我唔知同佢講咩0野好。成堂都好靜﹐平平安安到食晏時間。食完晏好彩可以將呢個project擺埋一邊﹐聽日繼續。

            放0左學後﹐我0地一班同學們一齊行去圖書館0個陣﹐m&m問﹕

「miki﹐今日同B做0野做成點呀﹖」

「差唔多做到一半囉。」

「哦﹗咁你有冇同佢傾計呀﹖」英姐問

「有呀。」

「講D咩0野呀﹖」m&m問

「問我借支筆用同講做D咩0野囉。」

            之後“0車” 聲四起。

「做咩喎﹗我同佢都冇0野好傾呀。」

「我唔信你0地冇0野好傾﹖」JuJu講

「我都唔信﹐成個鐘頭你0地除0左公事之外﹐真係一句都冇傾過﹖」Cynthia問

「冇呀。」

「你好失敗呀miki。」英姐講

「0下﹗」我又玩唔明

「唔算唔算﹐miki佢都唔鐘意講0野。有呢 D情況都唔係咁出奇呀。」m&m講

「m&m你最了解我呀。」

「咁你聽日要繼續努力呀。」JuJu講

「做project都要努力﹖」

            之後個個都冇聲出。我都知自己問D唔應該問0既問題呀。聽日繼續努力﹖睇0下點啦﹐可能聽日同今日都係一樣呢。

            第二日上完頭兩堂之後又到做project0既時候。又要對住B呀。今日唔知自己做咩0野﹐做0野0既速度快過平時兩賠﹐令到坐我隔離0既B都呆0左。最後佢忍唔住問我﹕

「miki﹐你做咩做咁快呀﹖」

「0下﹖」我好似發夢夢醒咁講

「你冇事嘛﹖」佢有關心咁問

            其實我成日都係咁﹐發白日夢﹐或者諗0野什諗到入0西神都會係咁。

「冇事呀。我諗0野諗到入0西神咋。」我笑住同佢講

「冇事就好呀。不過張海報有事呢。」佢望住張海報講

            我睇0下張海報發現我自己做0個面我寫0既文章有好多錯字。嘩﹗我見到都嚇0左一跳。

「嘩﹗死呀﹗點算呀﹖」我向B求救

「0拿﹗玀去。」佢俾0左支塗改液俾我

「做咩呀﹖」我玀住支塗改液問佢

「改0左佢囉﹐加返D背景顏色﹐之後改返好張文章咪得囉。」佢講

「係喎﹗諗唔到添。嘻嘻﹗」我伸一伸條俐同佢講

「慢慢0黎啦﹐重有聽日嘛。如果我聽日早過你做完的話﹐我幫你做埋佢啦。」佢笑住講

「你差唔多做完呀﹖」我問

「重差小小。」佢講

「你重話我做得快﹐你自己又係咁。」我講

            之後我0地兩個一齊笑起上0黎。

「總言之聽日幫你一齊做啦。」佢講

「好呀﹐講過要算數呀。」我講

            之後玲聲一響﹐又到食晏時候呀。食完晏後﹐佢0地班八妹又問我頭先同B做0野0既事情。

「嘩﹗你頭先諗咩呀﹖入0西神之如重寫錯0西D0野添。」JuJu問

「0下~~~我﹐其實我頭先諗“原振俠”(0個陣時香港正在播呢個電視劇﹐ 而我家人錄0左記俾我睇)劇情﹐鬼叫我鐘意黎明咩﹐有佢0既0野我一定會追0架啦(好似我追勇俊0既劇集咁) ﹐諗0下諗0下就變成咁。」我講

「黎明痴﹗」英姐嘆氣咁講

「咩喎﹗」我講

「不過年今日同B相處得幾好啦﹐係未﹖」m&m講

「算ok啦。」

「ok? 唔好要求咁高喎。」Cynthia講

「我冇呀。」

「0下嘛﹖聽日最後一日啦喎﹐努力努力呀。」m&m講

「努力﹖」

「努力。」佢0地一齊講

「0下﹖」嘻﹗我又0黎呀

「你又玩唔明呀﹐真係。」JuJu講

「咩喎。」

第三日﹐最後一日。B真係幫我修改我做錯0左0既地方。話咁快就做完呀﹐重有少少時間淨添。你話我0地做得幾快。  

又到食晏時間﹐因為出面落雨﹐所以要0係課室渡過。我帶m&m去睇我0地做0既作品﹐其他人﹖個個都睇過啦﹐淨係m&m未睇。m&m對住張海報講﹕

「嘩﹗份愛情結晶品都幾靚喎。以你咁0既畫畫天份都畫到咁好﹐好0野﹗」

            唉﹗又講咩愛情結晶品。救命呀﹗我真係冇咁好氣話佢。

「咩呀﹖你指邊個公仔呀﹖」我問(因為我同B每人都畫0左公仔0係張海報上面﹐好明顯佢畫得好過我啦)

「呢﹗0個個呀。」m&m指住某一個公仔講

「0個個﹖唔係我畫0架﹐係佢畫0架。」

「咁呢個呢﹖」m&m再指令外一個公仔問

「呢個係我畫呀﹐不過最尾佢幫我加多幾筆落去囉。」

「嘩﹗佢真係幫你喎。」m&m講

「鬼叫佢快過我做完呀﹐抵死﹗」

「咁講0野呀你。」m&m講

「唔得0架。」

「有冇諗住留返起佢呀﹖」m&m問

「張海報﹖唔知呀﹐睇0下點先啦。」

            最後張海報點﹖貼0左0係牆度一段時間﹐最後就落0左0係B度做留念。