Chapter 10 ~ Dancing Night Part 2

第十章 ~  跳舞夜 Part 2

            真係話都冇咁快我0既F2生活差唔多到尾聲呀。又係時候開第二個﹐亦都係F2最後一個social呀。今次因為係最後一次﹐當然要去啦﹐重要扮到靚一靚去啦。今次重會有一件永世難忘(我係咪誇張0左少少呢.﹖你睇完之後自己行量啦) 0既事﹐係咩0野﹖

            年尾呀﹐又到第二個social0既來臨。今日聽到體育堂要練舞0既時候個個都好高興。緊係啦﹐平時體育堂﹐我﹐英姐﹐JuJu同Cynthia一齊上堂﹐淨係得m&m一個同第二班人上(雖然佢有其他人陪佢)﹐佢話都有少少悶0架。但係而家又可以同我0地一齊上體育堂都不知幾興奮。除0左呢樣興奮之外﹐重有其他0野啦。

            我0地一大班人(除0左我0地一班人之外﹐重有1m, 2m佢0地班人) 行到去禮堂中﹐m&m同1m講﹕

「你上次冇去真係唔好彩呀﹐你知唔知上次social發生0左件事呀。」

「我知道呀﹐之前有人講過俾我聽。真係可惜呀。所以我今次一定要去social ﹐我聽講佢0地都會去0架﹐到時一定好好玩0架。」1m講

「係呀﹐佢0地都有可能去呀﹐太好呀。0個晚一定好好玩呀。係咪呀miki﹖」

「0下﹗sorry呀﹐我頭先冇聽你0地講咩呀。你0地頭先講咩呀﹖」我問

            其實我真係冇聽到佢0地講咩0野。我頭先做先咩﹖咪發白日夢囉﹐行緊路都可以發白日夢﹐好0野呢。

「social0個日班男仔都會0黎﹐同講上次social0既事囉。」1m講

「又講上次件事呀﹐唔好啦0卦。」我講

            重記唔記得上次social發生咩0野事呢﹖如果唔記得的話﹐就睇返“跳舞夜Part 1” 啦。如果記得0既話﹐就當我頭先0既0野冇講過啦0下。

「不過班男仔會0黎﹖係咪真0架﹖」我問

「我聽返0黎好似真呀。」1m講

「oh no! 」我講

「做咩 oh no呀﹖」m&m問

「冇0野呀。」我講

            班男仔會0黎social﹐咁B都有可能會0黎喎﹐我唔oh no就假呀。

「唔知一陣間會唔會男仔請女仔跳舞呢﹖」1m問

「唔會0卦﹗」我答

「唔會唔會﹐我諗。」m&m講

            重於行到禮堂。老師見到人齊就開始練舞。期間我都有同B跳舞﹐一分鐘左右啦﹐期後都冇同佢跳呀。

            又過0左一個禮拜呀。期間D跳舞堂都冇咩事發生。都係推邊個同邊個跳﹐都冇咩0野啦。

            今日又係上跳舞堂0既時候啦﹐我0地一大班人又行到大禮堂練舞﹐練0下練0下到0左一隻舞係唔需要圍圈跳﹐因為上一隻舞轉舞伴轉到B就停音樂跳下一隻。我只可以講天意呀~~~~唉﹗

            呢隻舞又唔使轉舞伴﹐又唔使圍圈跳﹐我同B就一齊行去第二度跳。其實我已經睇到有好多隻眼望住我0地﹐但係我冇理佢0地﹐由得佢0地牛咁眼望住我囉。我諗B同我0既諗法都係一樣呀。有陣時我覺得佢0地好煩。

            通常跳得0既時候係可以講0野﹐但係個個驚俾先生鬧﹐個個做好靜咁跳舞﹐當然我同B都係咁啦。就係咁跳完呢隻舞之後就返課室﹐休息一陣又到食晏時間。我0個班同學又講頭先跳舞堂D0野。

「頭先佢差D撞到我呀。」m&m講

「佢又唔係估意0既﹐佢同我跳0個陣都冇0野呀。」JuJu講

「如果social0個日佢講我跳舞的話﹐我打死唔會同佢跳舞呀。」m&m 講

「話時話﹐你估B0係social0個日會唔會請miki跳舞呢﹖」英姐講

「0下﹗又關我事。」我講

「你唔想佢請你咩﹖」m&m講

「咁~~~係佢0既事﹐佢想冇所謂呀。」我講

「真係冇所謂﹖」m&m講

「冇呀冇呀。咁~~ 你想唔想佢請你跳舞呢﹖」我反問

「我~~係又好喎。」m&m講

「好呀﹐0個日social我叫佢請你跳舞呀。」

「miki﹐你講真0架﹖」JuJu插口問

「真~~~我同佢咁熟﹐下次跳舞堂0既時候如果同佢跳的話我就話俾佢聽呀。」

「你平時都可以同佢講0架。」英姐講

「咁平時佢都唔得閒理我啦﹐咁點同佢講呢。」我講

「唔好同佢懶熟喎﹐miki。如果佢真係當真你就死呀。」JuJu講

「miki﹐你~~~」m&m想話我之際我就插入去講

「你咩呀﹐咁就試到你係咪鐘意B囉。」

「咁都試到咩﹖」Cynthia講

「本來得﹐而家唔得囉。因為你0地攪到我試唔到啦。」

「係﹐都係我0地唔好﹐差D就試到呀。」JuJu講

            就係咁﹐大家嘻嘻哈哈咁就過0左食晏時間呀。

            又過多好幾個禮拜。終於到social0既日子呀。當然個個都好興奮啦。因為據探子回報(應該係1m話俾我0地知)話班男仔都會去social。所以個個0既心情興奮個上次social添。0係食晏0個陣﹐m&m講﹕

「不如今晚我叫B同你跳舞啦﹖」

「佢自己可以請我啦﹐唔使你去叫佢呀。」我講

「需要。如果今晚佢唔請你咁點呀﹖Form 2最後一次喎。如果唔跳就冇機會呀。」m&m講

「係喎miki﹐最後一次喎﹐等m&m幫0下你啦。」英姐講

「我冇咩所謂喎。」我講

「真係冇所謂﹖」m&m再問多一次

「冇所謂呀。」我再三講(我開始發覺佢0地好鬼死麻煩呀)

「可能佢今晚會請miki跳舞呢﹐唔需要咁做呢D0野嘛」Cynthia講

「咁又係。今晚一定好好玩呀。快D到夜晚啦。」m&m講

「好興奮喎你0地。」我講

「當然啦﹗唔覺得咩你﹖」英姐問

「唔覺得喎。」我搖一搖頭講

「唔覺得﹖」m&m問

「係呀﹗」我答

            點解我要咁興奮呀﹐真係。之不過見佢0地咁興奮﹐攪到我都興奮埋一份﹐不過興奮程度冇佢0地咁勁。

            話咁快又到夜晚﹐我0地都分別到學校禮堂﹐我0地聚埋一齊傾一陣計之後見到班男仔一一出現。

「嘩﹗你睇0下B。」英姐講(佢都幾眼利喎)

            之後個個都轉頭望佢。原來佢著0左簡簡單單0既衫0黎﹐俾起上次0個個劉德華做型平凡0左好多。

「有咩好睇呀﹐而家著成咁咪好囉。幾好睇啦。」我講

「話時話﹐而家0既佢好睇過返學0既佢喎。」英姐講

「請問有咩分別呢﹖都係同一個人。」我講

「係囉﹗一個人﹐冇分別。點解話佢唔同呢﹖」m&m問

「查實係冇分別0既。」JuJu講

「咪係囉﹐真係。」我講

            就係咁﹐social就正式開始。大家都好開心咁跳舞﹐而m&m0係我唔圍意0既情況下走去B度同佢講0野。點解我知道﹖因為我最鐘意週圍望0既人嘛。

            又到唔使圍圈跳0既舞呀。0係呢個時候﹐B就行到我0地0個邊。大家0既眼神都望住我﹐而我回返個奇怪表情俾佢0地。唔通頭先m&m去佢同我跳舞﹖唔會0卦﹐佢咁聽話。

「唔通B想請你跳舞﹖」Cynthia問

「唔知道呀﹐我頭先睇到m&m係咪叫佢同我跳舞呀﹖」

            話咁快B已經行到我0地面前。

「miki﹐可唔可以同我跳隻舞呢﹖」B一本正經咁問

「miki﹐唔好拒絕人呀。」Cynthia講

「可以。」我諗都冇諗過就應成佢呀

            大家都笑住咁送我出去﹐好似佢0地見到我結婚咁開心。我同B行行0下佢拖住我隻手講﹕

「不如我0地去0個邊跳呀。」

「好呀﹗」

            之後佢拖住我去令外一邊。但係佢拖住我喎﹐手拖手喎。嘩﹗我~我都唔知點講呀﹐D感覺好怪。雖然只不過行一小段路﹐但係感覺都幾復雜呀。重於我0地開始跳舞﹐跳跳0下B又發現到我有D唔妥(次次都係佢發現先﹐真係) 佢就講﹕

「miki﹐你係咪好熱呀﹖」

「唔係呀﹐做咩咁問呀﹖」

「冇你塊面咁紅我以為你熱咋。」

「係咩﹖我個塊面好紅呀﹖」

「少少啦﹗不過幾可愛啦。」

「可愛﹖嘻﹗多謝﹗」我笑住同佢講

「我想問一樣0野呀。」我講

「你想問咩呀﹖」B問

「其實你~~點講呢~~」我開始吞吞吐吐咁講

            B正等我0既問題。

「你呢~~係咪m&m叫你同我跳舞0架﹖唔好意思呀﹐佢做埋呢咁0既0野。」我唔好意思咁講

            反而B0係度笑(勇俊笑容又0黎呀) 。

「你笑咩呀﹖」我問

「你個同學係有叫我同你跳舞﹐但係我自願喎。好彩佢提醒我咋﹐唔係我唔咁請你跳舞。」

「都唔知係唔係0架。其實我都知佢會咁做呀﹐結果都俾我估中。」

            B又再笑一笑。

「呀﹗不如你一陣同m&m跳舞啦。」我講

「佢﹖不過下隻舞係轉舞伴0既舞喎。」

「Doesn’t matter啦﹐一陣間過去請佢跳舞啦。」

            B點一點頭示意﹐我笑一笑﹐之後繼續跳舞。同佢跳舞都幾開心呀﹐除0左頭先佢0既動作(拖住我隻手) ﹐其他都幾好啦﹗

            話咁快跳完呢隻舞﹐B陪我返去班同學度。之後B真係請m&m跳舞﹐B都幾聽話喎。就係咁﹐F2最後一個social就0係呢個開心0既情況下就結束呀。

            第二日返學﹐個個都講沉晚social0既0野。當然﹐我同B跳舞已經成為0左佢0地0既話題。

「miki﹐佢0地拖住你隻手0既感覺係點呀﹖」英姐問

「做咩咁問呀﹖」我反問返轉頭

「咁你係第一次俾人拖嘛﹐想問0下D感覺係點囉。」

「感覺呀--復雜囉﹐個心跳得好厲害囉﹐咁咋。」

「m&m呢﹖」JuJu問

「我~~冇感覺喎。」m&m講

「冇﹖唔信﹐你唔識點講咋。」我講

「你又知﹖」 m&m講

「我諗你D感覺同我差唔多呀。」我講

「差唔多啦。咪住﹗miki﹐係咪你叫B請我跳舞呀﹖」m&m指住我問

「係~呀﹗鬼叫你叫佢請我跳舞呀﹐咁我咪叫佢請你跳舞囉。我之前同你講過0既0野我已經做到呀。」我笑住講

「你個死miki呀﹗」m&m開始搵我0黎打

「0可0可0可﹗」睇我笑得幾衰

「我都諗唔到miki會咁做﹐真係難得呀。」JuJu講

「係囉﹐我都唔信miki會咁做。」英姐講

「但係我做到喎﹐哈哈哈。」我講完之後繼續跑逃避m&m0既追捕

「今次social真係玩得好開心呀。最後一次零舍開心0架。」1m講

「係呀﹐真係好開心呀。」m&m講(追捕完我後講0既)

「如果我0地去到高中都有social的話﹐唔知會唔會一樣玩得咁開心呢﹖」Cynthia問

            大家都為呢個問題諗0左好一段時間。今從social俾我一個非常美好0既回憶﹐一定要好好記住。