Chapter 14 ~ In Secondary School......

第十四章 - 高中札記

唔知大家有冇聽過呢首歌呢﹕

無星的晚上   無風的季候   仍滲著你溫柔

付出的感情   已出的說話   卻未能再收

白色衫領後   濃黑短髮後   無意掠過心頭

昨天的戀人   變色的鏡頭   始終看未夠

 

*其實我以為   滴血的心內   未放開的已放開

無奈時間証實   已經錯失的愛   亦仍然是愛*

 

#不知不覺想起你動人笑面

不知不覺想起了昨天

不知不覺分開了又忘記後  

沒法想像   一切依然#

 

誰不想快樂   誰不想決絕   忘記舊有哀愁

但瀟灑背後   笑聲的背後   卻為何顫抖

童話式故事   神話般結局   誰也沒法苛求

但當天溫柔   記憶中挽留   怎可以沒有

Repeat * # #

            呢一首係黎瑞恩所唱0既歌“不知不覺想起你”﹐係我中四0個陣最鐘意0既歌。以前一聽呢首歌我就會諗起中二0個陣時0既0野﹐由其係我同B0既0野﹐不知不覺又會諗起。當時0既我都唔圍意﹐到而家先知呢D係我算係美好0既回憶﹐我諗呢一世都唔會忘記。雖然D記憶都幾枝離破碎﹐但係都係回憶啦。

            高中生活真係平平淡淡咁過﹐冇咩特別。係同學識多0左﹐而我只係鐘意黎明就變0左一個花心既人(同時鐘意幾個明星)。連聽歌都聽多0左﹐除0左聽廣東歌之外﹐我重聽國語歌添﹐我想學國語嘛﹐0個陣時因為聽得多﹐所以我已經聽到D台灣人講D0野。0個陣時我都諗過點解我要學國語﹐唔通…… 唔會唔會﹐都係唔好諗咁多呀。睇0下我高中發生過咩0野事啦。

 

中四0既時候我參加學校0既合唱團﹐重要出去大會堂參加歌唱比賽添。0個日就成日聽住其他學校表演﹐又唔使返學﹐又可以聽歌﹐幾好呀。今年重去學長笛(Flute)添。學校教Flute0既老師非常之惡﹐我都幾驚佢0架。點解我會學吹Flute﹖咪因為「原振俠」囉。重記唔記得呢套電視劇呢﹖有黎明(我最愛0既偶像﹐0個段時期) ﹐李嘉欣﹐王菲(客串咋喎) ﹐錢嘉樂等等。套劇入面黎明成日用一支短笛吹“我的另一半” 同令外一首歌﹐見到佢吹flute吹得好聽(0個陣時重未知唔係黎明自己吹0既)又咁型﹐攪到我想去學呀。每個禮拜一次﹐返到屋企想練又驚俾人鬧(0個陣時都幾細膽0架)﹐所以我就咁吹得一首好差0既歌﹐真係慘。我將我支flute改名做「老公」(我而家重係咁叫我支flute0架)﹐我對佢好好0架。

            除0左唱歌同學flute之外﹐我重走去做圖書館館員添。其實係幫0下擺0下書﹐幫手做檯面。圖書館0既工作都幾悶0架﹐但係無法啦﹐班同學都話去做﹐咁我又去做囉。重有小小虛榮感0架﹐校服上面有一個寫住”Librarian”0既章都幾好0架。唔需要做0野0既時候我0地都會去圖書館借遊戲玩﹐通常我0地借波子棋玩﹐又係我教佢0地點玩﹐但係我玩得唔叻﹐次次都係佢0地贏﹐真慘。

            今年我重去Camp添﹐今次俾上次辛苦D。一日要出去露營添﹐重要自己搭營添。一日就行山﹐行到咁上0下去行山洞﹐攪到我傷晒﹐救命﹗今次唔係同我班同學去(冇人同我同班)﹐真係悶呀。比起上次中二去camp差好多﹐我諗冇我熟識0既同學0係度啦﹐所以覺得冇咁好玩。

            因為有locker0既關係﹐我就成日帶卡通麻雀返學校玩﹐玩完可以擺係locket入面唔使帶反屋企﹐咁可以成日玩囉。Locker入面除0左有教科書﹐麻雀之外﹐重有擺相0係人面添﹐就係黎明同鄭伊健(開始鐘意佢)0既相呀。每一次放長假(大約兩個禮拜啦)都要清locker等放完假又要霸locker﹐所以我locker0既位置成日都轉呀。

            年尾0既時候﹐全中四0既人一齊去沙灘玩(放暑假之前幾日)﹐我0地班同學個個帶D0野食﹐帶0野玩。我就帶卡通麻雀﹐M&M重勁﹐帶真正麻雀﹐cool-ra-la帶第二D0野玩。我0地見到麻雀重唔玩夠本。雖然個個﹐包括我都唔係咁識玩﹐但係我0地玩得幾開心﹐重要扮師奶咁打牌添﹐幾好玩呀。

            中五﹐博殺年﹐要考會考(我0地係叫School “C”, 係 School Certificate) 呀。0個陣時重未分科﹐但係已經唔使讀歷史﹐地理呢D科目。最重要係考數學﹐科學。之後就係自己選0既科目(NZ0既學科係同香港唔同﹐香港要考七八科。我就無需要考咁多科﹐兩科主科﹐三科自選科。所以除0左主科數學同科學之外﹐重要自己選0既美術﹐會計﹐英文ESL) 。睇落好似輕鬆咁。其實都有好多0野讀0架﹐自己又揀0架﹐自己又揀0左美術喎。日日都要畫畫﹐畫到我死死0下﹐重有其他0野做﹐都幾辛苦0架。重有小女子要考車牌﹐所以要考試﹐口試﹐路試。我咁大個女第一次考試一次過過關(除0左口試﹐點解﹖唔話你聽)﹐等我講0下我考路試0既過程啦。通常路試考著通行車之外﹐重要考3 point turn(0係一條窄路﹐用3下就可以U turn去令外一邊) 同round the corner(好似用車尾拍車咁﹐但係0係一條差唔多有90度角既彎位路邊拍過去)﹐我初初學車都算好好(一個唔識分左右0既我都可以學車都幾驚訝﹐不過我識分Left Right喎﹐死唔死)﹐後來學拍彎位﹐每次拍唔係太開就太近路邊﹐每次拍彎位實會俾老師鬧。所以﹐到我考試0個日﹐我就好似上戰場0既心情去考。首先學車師父車我去試場﹐之後佢就用師父架車去考試﹐個考官出0黎去我師父架車。開頭都冇咩0野事發生﹐考考0下我就覺得奇怪﹐點解個考官重唔考3 point turn 同round the corner呢﹖終於考完試呀﹐最後個考官都冇考頭先我講過要考0既0野﹐我不知幾開心呀。因為我做round the corner非常差﹐結果冇考到喎﹐真係謝天謝地囉。最後我就0係咩都冇考到之下考到生平第一個車牌。雖然……唔可以帶人上我車出去(我0地要考三次試﹐第一就係筆試﹐第二就係路試﹐考到就會有一張叫Restricted licence。呢張licence係要有車牌0既人陪伴之下先可以楂車﹐或者自己一個楂車﹐或者自己一個楂但唔淮坐冇車牌0既人上我車。過0左一年後就可以自動轉為Full licence﹐其實你可以半年後再去考多一次路試就可以玀Full licence﹐不過我唔想再考試﹐所以我一年後先轉Full licence) ﹐但係仍然好開心。

            第一次楂車就係我生日0個日。記得0個陣時非常驚﹐第一次自己楂嘛﹐我阿哥都驚我有事重借佢個手提電話俾我添﹐萬一有事都可以打電話返屋企嘛。初頭楂都冇咩0野﹐楂楂0下先發現自己原來重未帶安全帶﹐我諗我真係好緊張呀﹐咁都唔記得。除0左呢件事之外其他都冇咩0野事發生﹐而我就過0左我16歲生日呀。

            開心完就要埋頭苦幹讀書﹐自問自己唔係一個讀書0既材料﹐所以要努力D啦。但係最後為點努力﹐我D成績都係冇D進步。好彩唔似香港咁﹐唔夠分留0係原校就要搵其他學校(我呢D咁0既成績怕睇都要重讀或者去讀0個D織業訓練局囉)﹐我可以留0係學校繼續讀。真係不辛幸中之大幸囉。

            中六﹐學生所講0既“密月期”。對我0黎講係開心啦﹐唔使考試﹐因為我有「考試恐懼症」﹐一到考試我就滿腦空白﹐入到試場0個陣我發夢多過做份卷﹐所以有好多時都做唔晒份試卷。不過﹐唔好以為冇考試就會好喎﹐反而有三四十個測驗等住你去測﹐一個禮拜就有一個測驗﹐都幾辛苦0架。

            除0左有一玀測驗之外﹐都有好多功課要做。雖然工作量多0左小小﹐但係仍然好開心。點解工作量多又咁開心﹖其實除0左工作量多﹐課外活動都多。因為小女子我有讀ESL﹐我就有一個機會去旅行。全班ESL學生去旅行﹐話就話個旅行目的係多D講英文﹐但係成班中國人一齊去旅行點會由頭到尾講英文啦。其實非常難得成班人一齊去旅行﹐重要唔需要安排行程﹐老師幫我0地安排一切。所以從未讀過ESL0既人都特登走去讀﹐我識0既同學十個都有九個都讀ESL。本來M&M想讀0架(為要去旅行而讀)﹐但係佢係土生土長0既人點可以讀啦﹐最後佢見住我﹐cool-ra-la, 小鬼(新相識0既同學﹐台灣人) 一齊去旅行。點解我冇提到Cynthia同JuJu呢﹖早0係中四Cynthia就離開我0地間學校轉0左第二間讀。JuJu可能驚近得我0地多驚英文退步0卦﹐所以佢同外國女仔玩。

            講0下我0既ESL旅行先啦。四日三夜﹐有得滑雪﹐騎馬﹐爬石﹐行山等等活動玩。初頭兩日都玩得幾開心﹐大家都開開心心咁去。第一日晨返學校集合﹐之後坐旅遊巴大概三個鐘頭去到我0地住0既宿舍﹐去0既時候都有停一停去睇風景﹐食0下晏﹐攪到原本三個鐘頭車程就變0左六過鐘頭﹐差唔多到夜晚先到宿舍休息同食晚飯。夜晚食完飯就玩一陣小遊戲就返房休息。我0係同cool-ra-la﹐英姐﹐小鬼同令外一個同學叫卡文一齊0訓一間房﹐每一個人都要負責帶一樣0野0係房玩﹐我就負責音樂方面﹐帶一個細細卡式機可以就咁可以播歌帶當然我負責埋啦﹐廣東同國語歌都有。其他人就帶遊戲0黎玩﹐都幾開心0架。

第二日就開始玩騎馬同爬山﹐我見到隻馬我心感不妙。我咁重﹐騎上去咪好似抬幾舊石行路咁﹐真係辛苦隻馬囉。騎完馬就去食晏﹐食完又繼續玩爬山呀﹐其實應該叫爬石﹐因為座山係石山0黎﹐爬落去山底﹐都幾好玩0架。玩完就要返去宿舍幫手整晚餐﹐食完又玩一陣先返房休息﹐正0係我行返去房期間﹐我睇到有好多星星﹐變成0左一條“星河”﹐呢個情景真係好靚﹐真係想玀部相機影落0黎﹐最後我都冇影到﹐因為太冷﹐冇出返去影。

第三日﹐本來係去滑雪場滑雪﹐但因為D雪落唔夠﹐所以雪場唔開。而又因為我0地去滑雪附近有座活火山爆發﹐所以唔可以去0個座山玩。唔好以為火山爆發好大件事喎﹐其實呢個之不過好小事﹐最低危險性0既火山爆發。冇流出熔岩﹐只係放出大量灰炭出0黎﹐吹到某大市區﹐所以個個都要帶防毒面具出街直到D炭灰消失為止。好彩D炭灰冇吹到我住0個邊(宿舍)﹐唔係我諗要早D返屋企囉。老師俾我0地0係0個個火山附近影相﹐影完相返宿舍食晏﹐食完就去行山。

            第四日﹐返屋企呀﹐沿路都有停一D地方睇風景同玩。其中一度就係營火洞﹐呢個係人0黎紐西蘭旅行一定會去0既地方。0係一個山洞入面坐船睇營火蟲﹐真係好靚呀﹐真係開心。

            就係咁﹐我0既中六就係咁開開心心咁過呀。

            中七﹐又要努力呀。因為我0係中六成績非常差﹐所以﹐除0左統計學(中七數學分0左統計Statistics同計算法Calculus)之外﹐其他都係中六科目。可以話我係重讀中六﹐但係我係中七人0黎喎﹐都幾奇怪0架。

            中七其中一個活動就係舞會(Ball)﹐我當然會去Ball啦﹐0係Ball之前幾個禮拜就去搵Ball衫﹐幾經辛苦先搵到Ball衫﹐我0個件前面好似冇咩0野睇﹐後面就係露到(唔講有幾露呀﹐你自己想像下啦) 。通常去Ball都要帶男伴﹐我識0既同學差唔多都唔帶男伴0黎(因為識唔到0卦)﹐台灣女仔0個面反而有帶男伴喎。0個日Ball係影相多過跳舞﹐大家都打扮得非常靚﹐重唔影返夠本咩﹐開開心心咁渡過呢個Ball呀。

            第二個活動就係年尾中七人最後一日0既大派對(不過係晨咁早0個隻喎) 。0個日只係返半日﹐晨早返學校準備D0野。今次要扮Men In Black(黑超特警組)入面主角做型﹐我就問我表姐借件西裝嘍0黎著。返到學校見到同學就影相﹐0係早會0既時候就0係台上大叫大0益﹐台上D表演真係好好笑﹐最後我0地班中七人唱校歌做完結。我見到有好多人都喊﹐其實真係唔捨得。五年喎﹐有感情嘛﹗

            之後我0地就為大學入學試而努力。而我﹐因為我淨係得一科中七科目﹐我就諗放棄入大學﹐轉入理工學院讀三年學士課程之後再上大學繼續讀﹐但俾我阿哥一口拒絕。佢要我重讀中七再考多一次大學入學試﹐我唔想咁樣﹐因為呢度係好小人會重讀﹐我唔想重讀中七﹐之後我阿哥講重讀理由﹐我都聽唔入耳。最後我阿哥用好多口水先說服到我重讀中七。

            重讀中七﹐雖然0係返原校讀﹐但係已經人面全非。M&M去第二度讀書﹐cool-ra-la因為屋企問題要早D出0黎做0野﹐小鬼同卡文就上0左大學﹐而英姐就……唔知。其實我0地同英姐已經反0左面﹐所以我都唔知佢0既去向。就係咁﹐我0地班同學就分開晒。

            第二次中七係我過得最唔開心0既一年。新識0既同學又傾唔埋﹐時時食晏都係自己一個過﹐如果有自修堂的話﹐我零願返屋企都唔同同班同學出去。我就0係呢個時候開始孤獨起0黎﹐做咩玩咩都鐘意自己一個做。呢個之不過我其中一面﹐令外0個一面就係開開心心﹐開開朗朗0既我。我就0係呢個時候變0左一個「雙面人」呀。

            其實我都算係「有情有義」0既人﹐唔裡係咪新相識都好﹐有咩0野事﹐如果為範圍做到0既0野我都會幫﹐今次就係唱歌呀。我學校有分幾個Culture Group﹐例如淨係俾中國人0既Chinese Culture Group﹐毛利人0既Maori Culture Group﹐如此類推。我今次幫Chinese Culture Group做唱歌部份(呢個團有分跳舞﹐唱歌同戲劇) ﹐今次唱0既係流行曲﹐0係鄭秀文其中一首歌。除0左我一班中七人唱之外﹐令外重有一班中三﹐中四同我0地組成令外一隊合唱團﹐都係唱流行曲。初頭都幾唔合作0架﹐成日係度玩﹐之後見多0左面﹐就開始聽聽話話呀﹐重完埋一份添。

            因為成日都係自己一個﹐所以開始寫起故仔上0黎﹐寫咩﹖遲D有得睇呀(咪係” 悠長戀愛“囉)。不過我D中文水平重係好差﹐寫寫0下中文會寫英文(唔知個字點寫﹐所以寫英文) ﹐我諗而家翻睇我D作品實笑死人呀(所以要改一改﹐再重寫) 。其實我寫故仔係為興趣﹐我唔鐘意俾人睇0既﹐所以我寫0既故仔從來冇人睇過。因為我唔係成日寫﹐又虎頭蛇尾﹐寫寫0下就停0左﹐隔左一兩個月又寫返(老實講﹐我重未寫完” 悠長戀愛“﹐而家正努力寫) ﹐所以費事俾D同學睇之後問我故事後來點。

            中七考大學試﹐心情一D都冇緊張﹐重想快D考完返香港渡假。唔裡自己考得好唔好﹐我已經盡力而為呀。終於我已平均分高少少而入到呢間大學。University Of Auckland - 奧克蘭大學。