Chapter 4 ~ Dancing Night Part 1

第四章 ~ 跳舞夜 Part 1

            0係一個晚上﹐你同一位你鐘意0既人偏偏起舞。浪漫0既音樂﹐華麗0既佈景。就好似童話故事入面王子同公主跳舞。我諗有好多女仔都想有呢D0甘浪漫0既情景。不過﹐現實還現實﹐呢D0甘0既情景淨0係電視劇同你個夢入面先會有。不過﹐我而家唔係講發夢或者童話故事﹐我只係講其中一段~~跳舞。

 

            由中一開始﹐我學校已經要學跳舞。因為每一年學校都會攪Social(類似舞會,但係跳0既舞都係Ballroom Dancing) ﹐每次都要跳佢0地指定的舞(佢0地教 我0地個D舞) ﹐悶得0黎又幾好玩。

            因為中一0既時候我冇點去Social﹐所以0個陣時學呢D舞就當上體育堂(其實真係0係體育堂教0架喎) 。不過到0左中二啦喎-------

            年中呀﹗又到Social0既時候呀。今日一知道要練舞0個陣時我就知道Social就快0黎了。我0地班同學今年打算去Social。所以聽到就0黎有Social﹐個個都好興奮。

            大家換好運動衫之後﹐就大步去學校禮堂呀。入到禮堂裡面已經準備好練習跳舞呀。上幾次練0既時候都係自己搵partner(有D舞要有partner先跳到) 。每次都係我0地女仔組一對0甘0黎練跳舞。但係今次唔同﹐今次老師叫D男同學自己去搵女partner。我0地幾個女仔都心知不妙。

「死啦﹗男仔搵女仔跳呀﹐佢0地會唔會搵我0地0架﹖」M&M問

「我就肯定冇呀。你0地肯定會有啦﹗」我講

「點解呀﹖」JuJu問

「0甘0個D台灣仔實搵返你0地去跳0架。0拿﹗你睇0下﹐外國男仔搵外國女仔﹐0甘中國男仔當然搵返中國女仔啦。」我講

「0甘你唔係中國人咩﹖JuJu都唔係問呢個點解呀。佢係問點解你肯定冇人搵去跳舞呀﹖」M&M講(做咩JuJu同M&M0甘心靈相通0既)

「我…一睇我個樣就知啦。成班人之中﹐我諗我都算係最唔好睇0既人呀。點會有人請我去跳舞呢。」我講

「我睇未必。」M&M講完之後指一指我前面﹐正有一個人行近我0地。

「你0地邊個同我一齊跳舞﹖」B用英文同我0地講

「miki啦﹗」JuJu講

「0下﹗點解係我呀﹖唔制﹗」我講

            我諗如果同佢跳的話﹐佢0地又唔知講我D咩呀。上次講我同B睇星星已經講足兩個月。今次重0黎﹐ 唔好啦0卦。打死唔制﹗

「0甘我同你跳啦。」我令外一個同學叫英姐講

「好呀﹗」就係0甘英姐就同B一齊走0左呀。

「miki﹐做咩唔同佢跳呀﹖」JuJu問

「唔想同佢跳就唔想同佢跳。」我當然冇講真正原因啦。

            過常我0地練舞都會圍一個大圈﹐因為有D舞跳完一part之後就要換換企0係你隔離0既男伴。我成日計重有幾多個就到0個班中國男仔呢(通常佢0地都係排埋一齊﹐當然我0地都係啦)﹗計計0下應該下個舞就到0個班台灣男仔0個邊。不過非常好彩因為時間夠﹐要返去換返校服。唔使同佢0地跳。

            我都有問過JuJu點解我要同B跳。佢話我同佢差唔多高喎。咩0野意思呀﹖呢個都算係原因﹐真係。

            唔知我係咪有跳舞細胞呢﹖老師每次都讚我跳得好﹐今次重叫我同我partner(外國人)出0黎同令外三對人一齊跳﹐好似表演0甘。正當我表演0既時候﹐我隻眼0係到週圍望0既時候﹐我見到B0係度望住我﹐我都唔係幾在意佢0既眼神係唔係望住我。但係﹐總係覺得唔係0甘舒服﹐唔知點解呢﹖之後我都有問返JuJu同Cynthia﹐佢0地兩個都話B的確係有望住我~~~~重有其他人(真係激死我呀﹐答0左等如冇答﹐真係)。可能我諗得太多啦﹐又或者真係0甘0岩兩個一齊望住對方呢。唉﹗都係唔好諗呀。

            Social日子正在逼近﹐我諗我都要諗0下0個日咩0野衫﹖幾點去到﹖今次social完0左下次重去唔去呢(通常一年有兩個social﹐如果唔係0甘﹐我今個章名都唔係叫“跳舞夜Part 1” 啦) ﹖左諗諗右諗諗0甘就到social0個日呀。

            Social0個日我0地當然要照常返學啦。我0地非常期待今晚0既social﹐但係我0地冇諗班男仔會唔會去social。唔理呀﹐0黎迷0黎囉﹐佢0地唔一定搵我0地跳舞啦。無所謂啦﹗

            放0左學之後﹐英姐就0黎0左我屋企﹐因為佢屋企離學校遠﹐所以佢0黎我屋企之後一齊去social。去到我屋企做0左一陣功課﹐又玩0左一陣就去食飯。食完飯之後我0地兩個就準備去social呀。我哥哥楂車送我0地返學校。我0地去到學校禮堂(開social0既地方)我0地見到M&M同JuJu已經0黎0左﹐而其他人重未0黎﹐0甘我0地搵個位坐低等佢0地啦。過0左無耐我0地見到幾個熟口熟面0既人﹐哎0也﹗原來班男仔都0黎喎﹐但係唔見B喎﹐怕睇佢唔會0黎呀。

            Social差唔多開始呀﹐我班同學都0黎齊。就係呢個時候﹐有一個著住一件淺藍色mark哥嘍﹐好有型0甘行入場﹐佢係邊個﹖咪就係B囉。當我見到佢入0黎0既時候﹐我係呆0左。因為佢0既做型令我諗起劉德華0係某一套電影0既做型。所以睇到我目定口呆。

「嘩﹗使唔使呀﹗」我講

「嘩﹗好型呀﹗」M&M﹐Cynthia同英姐一齊講

「型咩﹖」我問

「好型呀﹐miki你真係唔識0野呀。」M&M講

「0車﹗0甘JuJu都冇講過0野啦﹗」我講

「0甘我都覺得佢幾型呀﹗」JuJu講

「係咩﹖」我問﹐係咪自己真係唔識欣賞佢呢﹖

            就係0甘﹐social就係0甘0既情況下開始呀。我0地都有不同0既男仔請我0地跳舞﹐都玩得幾開心。就係0甘玩0下玩0下就到呢個social0既最後一隻舞0既時候。我班同學都全部出去跳舞﹐得返我一個。就0係呢個時候﹐B就行過0黎我0個面前﹐佢企0係我面前申出隻手之後講﹕

「同我跳隻舞呢﹖」

            橫掂都係最後一首囉﹐是但啦﹗

「好呀﹗」我就起身行去佢身邊﹐而佢就抱住我條(肥)腰一起去舞池。

            其實我冇拖住佢申出0黎隻手。0甘而家我跳0個隻舞男方都要抱住女方條腰0黎跳啦﹐所以我冇避開佢。正當我0地跳舞之制﹐佢同我講﹕

「其實我好早就想同你跳舞呀。但係你成日同你同學一齊﹐我怕我就0甘過0黎一定俾佢0地講﹐所以我而家先過0黎囉。」

            原來係0甘。我真係好驚訝﹐佢都驚俾人講。

「你俾人講過咩﹖」我用好驚訝0既語氣問

「我…係呀。因為上次0個陣事(睇星星0個次)已經俾佢地班0野講呀。」

「你又係0甘呀。我又係呀。自從0個次之後﹐我俾我D同學講0左成個月呀。」我講

            之後我0係度諗﹐如果俾佢0地班0野睇到我同佢跳舞0既話﹐0甘咪弊﹗諗到呢度﹐我就開始左望右望睇0下佢0地跳舞跳到去邊。B見到我0既動作﹐佢好奇0甘問我﹕

「miki﹐你做咩呀﹖」

「唔知佢0地0係邊度跳呢﹖0甘多人﹐睇唔到佢0地添。」

「你搵佢0地﹖」

「哦~~~係呀﹗我想睇0下佢0地0係邊度跳舞呀。」

            B笑0左一下(如果你係裴勇俊fans的話﹐想像一下佢個笑容啦)就指一指我身後面。原來佢0地已經企0係我身後面﹐唔單只係我班同學﹐重有B班同學都0係度。哎0也﹗今次死呀﹐今次又唔知要講幾多個月呀。但係今次唔同上次0甘﹐我一點兒都冇後悔同佢跳舞。我重覺得同佢跳舞跳得好開心。唔通﹐呢D就係1m所講0既感覺。唔係呀嘛﹖

            當然﹐我同B跳舞0既新聞已經傳到差唔多成間學校都知。而我同B兩個都冇回應呢陣事。我0地都由得佢講﹐講完就算。係呀﹗如果回應的話﹐大有可能重衰多幾錢重﹐真係唔講好過講。

            而M&M﹐JuJu﹐ Cynthia﹐ 英姐同其他同學都係問同一個問題﹕

「你係咪鐘意B呀﹖」

            我冇答佢0地呀﹐我每次都係答﹕

「我唔知呀。」

            0甘算唔算係答案呢﹖0甘其實我真係當B係我同學咋喎。我諗一個算係全班台灣同香港0既男同學最靚仔0既一個呀。一個靚仔點會配一個肥妹呢﹖如果真係0既話﹐帶佢出街都俾人笑啦。我諗佢都係當我係同學﹐冇其他0野0架。

            就係0甘又過0左好幾個禮拜。而佢0地都成日問我鐘意邊個。有一次我真係頂唔住呀﹐我就是但講0左一個人名。而呢個人名就係…

「喂﹗你鐘意邊個0架﹐我0地講0左幾個人你都話唔鐘意。」M&M講

「係囉﹐0甘你鐘意邊個0架﹖」JuJu問

「唔講得唔得呀。」我講

「點解呢﹖」Cynthia問

「0甘唔想講就唔想講囉。」我講

「0甘你真係有鐘意0既人啦。」英姐講

            0下﹗我0甘講重衰喎﹐點算呢﹖點收科呢﹖

「係咪B呢﹖認0左佢啦﹗一睇就知你0地有0野啦﹐係咪佢呀﹖」M&M講

            一睇就知﹖唔係呀嘛﹖0甘明顯﹖但係我的確冇鐘意佢喎----0依﹗唔係喎﹐我可以將計就計﹐講鐘意佢等班0野死心都好呀。

「我…係呀﹗我係鐘意佢呀。」

            我講0左之後﹐成班人0係度大叫﹕

「我都話係0架啦﹗」M&M講

「早D認咪好囉。」JuJu講

「唔使我0地估內嘛﹗」Cynthia講

「真係俾你玩死。」英姐講

            你一言我一語﹐我都講唔到0野。不過講完之後接住呢句重死。

「miki﹐不如同B講你鐘意佢啦。」M&M講

「傻0左咩﹗我唔制﹗」我講

            應該話打死唔制呀﹐我扮鐘意佢喎﹐唔係真係鐘意佢嘛。

「驚呀﹖」M&M講

「我唔係驚﹐都係第二日先啦﹗」講完之後學校鐘聲呀﹐真係要多謝個鐘呀﹐係佢救0左我呀。

            就係我講一句說話就改變我對B0既睇法。